குலசேகரன் சந்திப்பு விவகாரம் – DAP தலைவர்கள் அதிருப்தி
- Surendran Sumdraraj
- 18 Mar, 2026
கோலாலம்பூர், மார்ச் 18-
பிரதமர் துறை துணை அமைச்சரான எம். குலசேகரன், அருண் துரைசாமியை பினாங்கு ஜாவி நீதிமன்ற வளாகத்தில் சந்தித்த சம்பவம் தொடர்பாக, DAP கட்சியின் சில தலைவர்கள் அதிருப்தி தெரிவித்துள்ளனர்.
இந்த விவகாரம் குறித்து DAP மத்திய செயற்குழு உறுப்பினர்களான ஷேக் உமர் பகாரிப் அலி, யங் சியெபுரா ஒத்மான், ஷஹ்ரெட்சான் ஜோஹன் மற்றும் புக்கிட் பெண்டேரா நாடாளுமன்ற உறுப்பினர் சியர்லீனா அப்துல் ரஷீத் ஆகியோர் இணைந்து அறிக்கை வெளியிட்டனர்.
அவர்களது கூற்றுப்படி, கட்சியின் மூத்த தலைவரான குலசேகரனின் இந்த நடவடிக்கை பொதுமக்கள் மத்தியில் விவாதத்தையும் சர்ச்சையையும் ஏற்படுத்தியுள்ளது. குறிப்பாக, நாட்டின் சட்ட மற்றும் நீதித்துறை அமைப்பின் நம்பகத்தன்மை குறித்து கேள்விகள் எழுந்துள்ளன என அவர்கள் சுட்டிக்காட்டினர்.
மேலும், பொது பதவியில் உள்ளவர்கள் மேற்கொள்ளும் செயல்கள் மிகவும் கவனமாக இருக்க வேண்டும் என்றும், சட்ட அமைப்பின் சுயாதீனத்தன்மையைப் பாதிக்கக்கூடிய எந்த நடவடிக்கைகளும் தவிர்க்கப்பட வேண்டும் என்றும் அவர்கள் வலியுறுத்தினர்.
இந்த சம்பவம் அரசியல் மற்றும் சமூக வட்டாரங்களில் பரவலாக பேசப்பட்டு வரும் நிலையில், இதுகுறித்து மேலதிக விளக்கங்கள் வழங்கப்பட வேண்டியது அவசியம் எனக் கூறப்படுகிறது.
Leave a Reply
Your email address will not be published. Required fields are marked *
தேடல்
செய்தி வகை
