• Lava Ravi
• 08 May, 2024

ஷா ஆலம், மே 9-

எரிசக்தி மாற்றம், நீர் மாற்றம் அமைச்சு, ஏஇஒஎன் குழுமம், பிஎஸ்என், எஸ்ஒஎல்எஸ் எனர்ஜி ஆகியவற்றுடன் இணைந்து வீட்டில் சூரிய ஒளி நிறுவும் திட்டத்தில் பங்கேற்க சோலார் போலே திட்டத்தை அறிமுகப்படுத்துகிறது.

மக்களுக்கான சூரிய ஆற்றல் மாற்ற முயற்சியின் கீழ் நாட்டின் எரிசக்தி மாற்ற நிகழ்ச்சி நிரலில் இருந்து பயனடைய மக்களை ஊக்குவிக்கும் திட்டம் குறிப்பாக உள்நாட்டு பயனர்களின் சூரிய மின் நிறுவல் திட்டங்களுக்கான அணுகலை விரிவுபடுத்த வடிவமைக்கப்பட்டுள்ளது என்று துணைப் பிரதமர் டத்தோஸ்ரீ ஃபாடில்லா யூசோப் கூறினார். 

எரிசக்தி மாற்றம், நீர் மாற்றம் அமைச்சராகவும் இருக்கும் அவர், பொது-தனியார் ஒத்துழைப்பு மூலம், ஏஇஒஎன் பயனர்களுக்கு இரட்டை வெகுமதி புள்ளிகளைப் பெறுவது போன்ற சில சலுகைகளுடன், நாடு முழுவதும் உள்ள ஏஇஒஎன் கிளைகளில் சூரிய மின் நிறுவல் சந்தாக்களை எளிதாகச் செய்யலாம் என்றார். 

நாட்டின் மின்சார விநியோகத் துறைக்கான ஆற்றல் மாற்ற நிகழ்ச்சி நிரலை செயல்படுத்துவதற்கு தனியார் துறையுடன் நெருக்கமான ஒத்துழைப்பை ஏற்படுத்துவது உட்பட, மின்சார விநியோகத் துறையின் கார்பன் அடிச்சுவட்டைக் குறைப்பதற்கான அனைத்து முயற்சிகளையும் முன்முயற்சிகளையும் அமைச்சு தொடர்ந்து செயல்படுத்தும் என்றார்.