• Shan Siva
• 03 Oct, 2024

புத்ராஜெயா, அக் 3: தற்போது ஈராக் மற்றும் ஈரானில் வசிக்கும் அல்லது வருகை தரும் அனைத்து மலேசியர்களையும், பிராந்தியத்தில் அதிகரித்துள்ள பதற்றத்தின் காரணமாக  இ-கான்சுலர் அமைப்பில் பதிவு செய்யுமாறு வெளியுறவுத்துறை அமைச்சு வலியுறுத்தியுள்ளது.

இன்னும் அவ்வாறு செய்யாதவர்கள் உடனடியாக பதிவு செய்யுமாறு அறிவுறுத்தப்படுகிறார்கள்.

 பிராந்தியத்தில் உள்ள மலேசியர்கள் விமான அட்டவணையில் ஏற்படும் இடையூறுகளைச் சமாளிக்கத் தயாராக இருக்க வேண்டும் மற்றும் அவர்களின் பயணத் திட்டங்களில் தேவையான மாற்றங்களைச் செய்ய அறிவுறுத்தப்படுகிறார்கள் என்று வெளியுறவு அமைச்சு தெரிவித்துள்ளது.

மலேசியர்கள் தேவையான புதுப்பிப்புகள் மற்றும் வழிகாட்டுதல்களுக்காக அந்தந்த நாடுகளில் உள்ள தூதரகங்களுடன் நெருக்கமான தொடர்பைப் பேணுமாறு கேட்டுக்கொள்ளப்படுகிறார்கள்.

அனைத்து மலேசியர்களின் பாதுகாப்பு மற்றும் நல்வாழ்வை உறுதி செய்வதற்காக நிலைமையை உன்னிப்பாக வெளியுறவு அமைச்சு கண்காணித்து வருவதாகத் தெரிவிக்கப்பட்டுள்ளது!