• Muthu Kumar
• 12 Mar, 2026

மத்திய கிழக்கு பிராந்தியத்தில் போர் மேகங்கள் சூழ்ந்துள்ள நிலையில், ஈரான் ஒரு அதிரடியான மற்றும் ஆபத்தான அறிவிப்பை வெளியிட்டுள்ளது.உலகின் முன்னணி தொழில்நுட்ப நிறுவனங்களான Google, Amazon, Microsoft, and Nvidia போன்ற அமெரிக்க நிறுவனங்களை ஈரான் தனது "முறையான இலக்குகளாக" அதிகாரப்பூர்வமாக அறிவித்துள்ளது. ஈரான் ஆதரவு பெற்ற 'தஸ்னிம்' (Tasnim) செய்தி நிறுவனம் வெளியிட்டுள்ள இந்தப் பட்டியலில், இந்த நிறுவனங்களின் அலுவலகங்கள் மற்றும் தரவு மையங்கள் (Data Centers) ஈரானின் புதிய இலக்குகளாகக் குறிப்பிடப்பட்டு உள்ளன. Iran warning to US tech giants என்கிற இந்தச் செய்தி, உலகளாவிய தொழில்நுட்பக் கட்டமைப்பு மற்றும் முதலீடுகளுக்குப் பெரும் அச்சுறுத்தலாக மாறியுள்ளது.

ஈரானுக்கும் அமெரிக்கா-இஸ்ரேல் கூட்டணிக்கும் இடையிலான 12 நாட்கள் போரின் ஒரு பகுதியாகவே இது பார்க்கப்படுகிறது. தெஹ்ரானில் உள்ள ஈரான் வங்கி ஒன்றின் மீது இஸ்ரேல் நடத்திய தாக்குதலுக்குப் பதிலடியாக, "இனி பொருளாதார மையங்களும், அமெரிக்க தொழில்நுட்பக் கட்டமைப்புகளும் பாதுகாப்பானவை அல்ல" என ஈரான் அறிவித்துள்ளது.

ஈரானின் கூற்றுப்படி, இந்த நிறுவனங்களின் தொழில்நுட்பங்கள் அமெரிக்க மற்றும் இஸ்ரேலிய ராணுவ நடவடிக்கைகளுக்குப் பயன்படுத்தப்படுவதால், அவை Iran's legitimate targets என்கிற வரையறைக்குள் வருகின்றன. பிராந்தியப் போர் இப்போது "கட்டமைப்புப் போராக"  உருவெடுத்துள்ளது என்பதே கசப்பான உண்மை.ஈரான் வெளியிட்டுள்ள பட்டியலில் குறிப்பாக வளைகுடா நாடுகள் மற்றும் இஸ்ரேலில் உள்ள அமெரிக்க நிறுவனங்களின் சொத்துக்கள் இடம் பெற்றுள்ளன:

அமேசான் (Amazon): ஏற்கனவே ஐக்கிய அரபு அமீரகம் மற்றும் பஹ்ரைனில் உள்ள அமேசான் தரவு மையங்கள் (AWS) மீது ஈரானிய ட்ரோன்கள் தாக்குதல் நடத்தியுள்ளன.மைக்ரோசாப்ட் (Microsoft): ஐக்கிய அரபு அமீரகத்தில் 15 பில்லியன் டாலர் முதலீடு செய்யத் திட்டமிட்டுள்ள மைக்ரோசாப்ட்டின் அலுவலகங்கள் இப்போது அச்சுறுத்தலில் உள்ளன.என்விடியா (Nvidia) மற்றும் ஆரக்கிள் (Oracle): வளைகுடா நாடுகளில் உருவாகி வரும் பிரம்மாண்டமான AI பூங்காக்களில் (AI Campuses) இந்த நிறுவனங்களின் பங்கு அதிகம் என்பதால், இவையும் இலக்குகளாக மாற்றப்பட்டுள்ளன.கூகுள் (Google): இஸ்ரேலில் உள்ள கூகுளின் ஆராய்ச்சி மற்றும் மேம்பாட்டு மையங்கள் (R&D Centers) இந்தப் பட்டியலில் முன்னிலையில் உள்ளன.

இன்றைய டிஜிட்டல் யுகத்தில், ஒரு நாட்டின் ராணுவத்தைக் காட்டிலும் அதன் 'கிளவுட்' (Cloud) மற்றும் 'டேட்டா' (Data) கட்டமைப்பைச் சிதைப்பது என்பது அந்த நாட்டின் முதுகெலும்பை உடைப்பதற்குச் சமம். "ஒரு நிமிடம் கூகுள் அல்லது அமேசான் முடங்கினால் என்ன நடக்கும்?" என்கிற கவலை இளைஞர்கள் மத்தியில் எழுந்துள்ளது.

Global Outage: இந்தத் தரவு மையங்கள் தாக்கப்பட்டால், வங்கிச் சேவைகள் முதல் ஆன்லைன் ஷாப்பிங் வரை அனைத்தும் முடங்கும் அபாயம் உள்ளது.Cyber Risk: வெறும் ஏவுகணைத் தாக்குதல்கள் மட்டுமன்றி, இந்த நிறுவனங்கள் மீது சைபர் தாக்குதல்களும் (Cyberattacks) நடத்தப்படலாம் என வல்லுநர்கள் எச்சரிக்கின்றனர்.

ஐக்கிய அரபு அமீரகம் மற்றும் சவூதி அரேபியா போன்ற நாடுகள் தங்களை உலகளாவிய தொழில்நுட்ப மையங்களாக மாற்ற முயற்சிக்கும் வேளையில், ஈரானின் இந்த எச்சரிக்கை அந்த நாடுகளின் பொருளாதார வளர்ச்சியைப் பாதிக்கும். பில்லியன் கணக்கான டாலர் முதலீடுகள் இப்போது அந்தரத்தில் தொங்குகின்றன. மேலும், இந்த நிறுவனங்களின் ஊழியர்களுக்கும்,குறிப்பாக இஸ்ரேல் மற்றும் வளைகுடா நாடுகளில் பணியாற்றுபவர்களுக்கு, ஈரானின் 1 கி.மீ சுற்றளவு எச்சரிக்கை  பெரும் அச்சுறுத்தலை ஏற்படுத்தியுள்ளது.

இந்த விவகாரம் குறித்து வெள்ளை மாளிகை மற்றும் சம்பந்தப்பட்ட நிறுவனங்கள் இன்னும் அதிகாரப்பூர்வமான விரிவான விளக்கத்தை அளிக்கவில்லை என்றாலும், பாதுகாப்பு ஏற்பாடுகள் முடுக்கிவிடப்பட்டுள்ளன. தொழில்நுட்ப உலகம் இப்போது ஒரு 'யுத்த களமாக' மாறியுள்ளது என்பதைத்தான் ஈரானின் இந்த அறிவிப்பு உறுதிப்படுத்துகிறது.