PAS பிரதமர் வேட்பாளர் அஹ்மத் சம்சூரி மொக்தார்!
- Shan Siva
- 24 Feb, 2026
கோலாலம்பூர், பிப் 24: பாஸ் இளைஞர் அணி, அக்கட்சியின் பிரதமர் வேட்பாளராக அஹ்மத் சம்சூரி மொக்தாரை முன்மொழிந்துள்ளது. அமைதியான மற்றும் முடிவுகளை மையமாகக் கொண்ட தொழில்நுட்ப வல்லுநர் மற்றும் தலைவர் என்று இளைஞர் பிரிவு திரெங்கானு மந்திரி பெசாருமான அவரை வர்ணித்துள்ளது.
சம்சூரி - டாக்டர் சாம் என்றும் அழைக்கப்படுகிறார் - அதிக அரசியல் நாடகத் தன்மை இல்லாமல் மக்களுக்காக உழைக்கும் ஓர் அறிஞர் மற்றும் அரசியல்வாதி என்றும் திரெங்கானுவை உயர்ந்த நிலைக்கு கொண்டு வந்ததாகவும் வர்ணித்துள்ளனர்.
சம்சூரி ஒரு நாள் பிரதமர் வேட்பாளராக முன்மொழியப்பட்டால், மலேசியர்கள் என்ன நினைப்பார்கள்? உங்கள் கருத்துக்களைப் பகிர்ந்து கொள்ளுங்கள் என்று அந்த பதிவில் கூறப்பட்டுள்ளது.
ஜனவரி 1 முதல் பதவியில் இருந்து ராஜினாமா செய்த முகைதீன் யாசினுக்குப் பதிலாக, ஞாயிற்றுக்கிழமை சம்சூரி பெரிகாத்தான் நேஷனல் தலைவராக நியமிக்கப்பட்டார்.
2018 முதல் திரெங்கானு அற்புதமான வளர்ச்சியைக் காட்டியுள்ளது. பல்வேறு துறைகளில் RM14.68 பில்லியன் முதலீடுகளை ஈர்த்துள்ளது. 2025 ஆம் ஆண்டில், ஜூன் மாத நிலவரப்படி மாநிலம் RM6 பில்லியன் முதலீடுகளைப் பதிவு செய்தது.
2025 ஆம் ஆண்டின் இரண்டாவது காலாண்டில் வேலையின்மை 2.8% ஆகக் குறைந்தது, இது 10 ஆண்டுகளுக்கும் மேலான மாநிலத்தின் மிகக் குறைந்த அளவாகும்என்று பிரிவு தெரிவித்துள்ளது!
Leave a Reply
Your email address will not be published. Required fields are marked *
தேடல்
செய்தி வகை
