• Shan Siva
• 06 Aug, 2024

கோலாலம்பூர், ஆகஸ்ட் 6: பாரிஸ் ஒலிம்பிக்கில் ஆடவர் ஒற்றையர் பூப்பந்தாட்டப்  போட்டியில் வெண்கலப் பதக்கம் வென்ற ஜீ ஜியாவுக்கு பிரதமர் டத்தோஸ்ரீ அன்வார் இப்ராகிம் வாழ்த்து தெரிவித்துள்ளார்.

நமது நாட்டிற்கு இரண்டாவது வெண்கலப் பதக்கத்தைக் கொண்டு வந்த மற்றொரு அற்புதமான செயல்திறன் மிக்க ஆட்டக்காரருக்கு வாழ்த்துகள் என தமது முகநூல் பதிவில் குறிப்பிட்டுள்ளார்.

இந்தியாவின் லக்ஷ்யா சென்னுக்கு எதிரான பரபரப்பான பிளேஆஃப் ஆட்டத்திற்குப் பிறகு ஜி ஜியா பதக்கத்தை உறுதி செய்தார்.

இந்த வெற்றியின் மூலம், டத்தோ ரஷித் சிடெக் (அட்லாண்டா 1992 இல் வெண்கலம்) மற்றும் டத்தோ லீ சோங் வெய் (வெள்ளி 2008 பெய்ஜிங், லண்டன் 2012, மற்றும் ரியோ 2016) ஆகியோரைத் தொடர்ந்து, ஆடவர் ஒற்றையர் போட்டியில் மேடையில் இடம்பிடித்த மூன்றாவது மலேசியர் என்ற பெருமையை ஜி ஜியா மலேசிய பேட்மிண்டன் ஜாம்பவான்கள் வரிசையில் இணைந்தார்!