சிலிம் ரிவர் அருகே லாரிகள் மோதி விபத்து! இருவர் பலி!

Shan Siva
04 Aug, 2025

கோலாலம்பூர், ஆக 4: : ஸ்லிம் ரிவர் அருகே தெற்கு நோக்கிச் செல்லும் வடக்கு-தெற்கு விரைவுச்சாலையின் Km372.1 இல், இரண்டு லாரிகள் மோதியதில் இரண்டு பேர் பலியாகினர் மேலும் இரண்டு பேர் காயமடைந்தனர்.

நண்பகல் விபத்து குறித்து தங்களுக்குத் தகவல் கிடைத்ததாக பேராக் தீயணைப்பு மற்றும் மீட்புத் துறை உதவி இயக்குநர் (செயல்பாடுகள்) சபரோட்ஸி நோர் அகமது தெரிவித்தார்.

இதனை அடுத்து ஸ்லிம் ரிவர் தீயணைப்பு மற்றும் மீட்பு நிலையத்தைச் சேர்ந்த ஒரு குழு 10 கி.மீ தொலைவில் உள்ள சம்பவ இடத்திற்கு அனுப்பப்பட்டது.

முட்டை ஏற்றிச் சென்ற லாரி சாலையில் நிறுத்தப்பட்டிருந்த சிமென்ட் டிரெய்லர் லாரியின் பின்புறத்தில் மோதியதில் இந்த விபத்து நிகழ்ந்ததாகத் தெரிவிக்கப்பட்டுள்ளது.

முட்டைகளை ஏற்றிச் சென்ற லாரியில் இருந்து 20 வயதுடைய இருவர் விபத்தில் வாகனத்திலிருந்து தூக்கி வீசப்பட்டு சம்பவ இடத்திலேயே இறந்ததாக சபரோட்ஸி கூறினார்.

40 மற்றும் 30 வயதுடைய மற்ற இருவர் லேசான காயங்களுக்கு உள்ளாகி, சிகிச்சைக்காக அருகிலுள்ள மருத்துவமனைக்கு கொண்டு செல்லப்பட்டனர்.

சாலையை சுத்தம் செய்ய கிட்டத்தட்ட இரண்டு மணி நேரம் ஆனது, இதனால் கடுமையான போக்குவரத்து நெரிசல் ஏற்பட்டது.

Your email address will not be published. Required fields are marked *

முக்கிய செய்தி