• Shan Siva
• 06 Aug, 2024

கோலாலம்பூர், ஆகஸ்ட் 6: புக்கிட் அமான் அதன் உயர்மட்டத் தலைமையை பெரிய அளவில் மாற்றியமைக்கத் திட்டமிட்டுள்ளதாகக் கூறப்படும் அறிக்கையை தேசிய போலீஸ் படைத் தலைவர் டான்ஸ்ரீ ரஸாருடின் ஹுசைன் நிராகரித்துள்ளார்.

புக்கிட் அமான் செயலர் துணை ஆணையர் அல்சாஃப்னி அஹ்மத் உடன் இந்த விஷயத்தைப் பற்றி விவாதித்ததை அவர் உறுதிப்படுத்தினார்.

இந்தச் செய்தி வெளியிடப்பட்டதன் பின்னணியில் உள்ள நபர்கள் குறித்துத் தெரிவிக்கும்படி அவரிடம் கேட்டுள்ளதாக ரஸாருடின் கூறினார்.

இது போலியான செய்தி, இந்தத் தகவலின் ஆதாரங்கள் குறித்து தங்களுக்குத் தெரியவில்லை என்று அவர் குறிப்பிட்டார்.

மலேசிய கடல்சார் அமலாக்க ஏஜென்சி (எம்எம்இஏ) அல்லது மலேசிய எல்லைக் கட்டுப்பாடு மற்றும் பாதுகாப்பு முகமைக்கு தலைமை தாங்குவதற்கு தேசிய போலீஸ் படை துணைத் தலைவர் டத்தோஸ்ரீ அயோப் கான் மைடின் பிச்சை நியமிக்கப்படலாம் என்று புக்கிட் அமான் ஒரு குறிப்பிடத்தக்க மாற்றத்தை பரிசீலித்து வருவதாக செய்தி வெளியானதை அடுத்து டான்ஸ்ரீ ரஸாருடின் இவ்வாறு கூறினார்!