சிலாங்கூர் அணி ஆசியன் கிளப் போட்டியில் முதல் வெற்றி
- Tamil Malar (Reporter)
- 25 Sep, 2025
பெட்டாலிங் ஜெயா, செப். 25-
செய்தி-வெற்றி மைந்தன்
சிலாங்கூர்
அணி, ஆசியன் கிளப் சாம்பியன்ஷிப் பருவத்தில் தனது முதல்
வெற்றியைப் பதிவு செய்து, சிங்கப்பூரின் தாம்பைன்ஸ் ரோவர்ஸ் அணியை 4-2 என்ற கோல் கணக்கில்,
பெட்டாலிங் ஜெயா மாநகர் மன்ற மைதானத்தில் நடைபெற்ற
குழு ஏ-வின் இரண்டாவது ஆட்டத்தில் தோற்கடித்தது.
சிங்கப்பூர்
பிரீமியர் லீக்கில் தற்போது இரண்டாவது இடத்தில் உள்ள அந்த அணிக்கு எதிரான இந்த
வெற்றி, செலாங்கூர்
எப்சி அணியின் பயிற்சியாளர் கட்சுஹிடோ கினோஷிக்கு நிச்சயமாக சிறிது நிம்மதியை
அளித்திருக்கும். ஏனெனில், இந்த அணி ஆசிய சாம்பியன்ஸ் லீக் 2,
சூப்பர் லீக்கில் தொடர்ந்து இரண்டு ஆட்டங்களில் தோல்வியைச்
சந்தித்திருந்தது.
இந்த வெற்றியின்
மூலம், 'தி
ரெட் ஜயன்ட்ஸ்' என்று அழைக்கப்படும் சிலாங்கூர்
எப்சி, குழு ஏ-வில் நான்கு
புள்ளிகளுடன் முதலிடத்தில் உள்ளது. இதே புள்ளிகளைப் பெற்ற பிஜி பாத்தும் யுனைடெட்
அணியுடன் சமநிலையில் இருந்தாலும், கோல் வித்தியாசத்தில்
முன்னிலை பெற்றுள்ளது. பிஜி பாத்தும் யுனைடெட் அணி, நடப்பு
சாம்பியனான புரிராம் யுனைடெட் அணியுடன் 2-2 என்ற கணக்கில்
சமநிலையில் முடிந்ததால் மூன்று புள்ளிகளைப் பெறும் வாய்ப்பை இழந்தது.
இந்த ஆட்டத்தில், செலாங்கூர் எப்சி 17-ஆவது நிமிடத்தில் விரைவான பதிலடித் தாக்குதலை மேற்கொண்டது. பைசல் ஹாலிமின்
தொலைவிலிருந்து எடுத்த ஷாட், டாம்பைன்ஸ் ரோவர்ஸ் அணியின்
பாதுகாப்பைத் தாண்டி, விருந்தினர் அணியின் கோலுக்குள்
உயர்ந்து சென்று 1-0 என்ற முன்னிலையைப் பெற்றுத்தந்தது.
Leave a Reply
Your email address will not be published. Required fields are marked *
தேடல்
செய்தி வகை
