டிரம்புடன் பாஸ் பேச வேண்டும்! உலக அளவில் பாஸ் பெரிய சக்தியாக உருவெடுக்கும்! - உரிமை கட்சி ஆலோசனை
- Shan Siva
- 30 Sep, 2025
கோலாலம்பூர், செப் 30: அடுத்த மாதம் நடைபெறவிருக்கும் ஆசியான் உச்சி மாநாட்டிற்காக மலேசியாவிற்கு அமெரிக்க அதிபர் டொனால்ட் டிரம்ப் வருகை தரும்போது, அவரைச் சந்திக்க ஏற்பாடு செய்யுமாறு அரசாங்கத்தை பாஸ் கட்சி வலியுறுத்த வேண்டும் என்று உரிமை கட்சியின் துணைத் தலைவர் டேவிட் மார்ஷல் வலியுறுத்தியுள்ளார்.
அதிக
எண்ணிக்கையிலான நாடாளுமன்ற இடங்களைக் கொண்ட கட்சியான பாஸ், காசாவில் இஸ்ரேலின் நடவடிக்கைகளுக்கு எதிராக மலேசிய
மக்களின் உறுதியான நிலைப்பாட்டை விளக்க இது ஒரு வரலாற்றுப்பூர்வமான வாய்ப்பு என்று
அவர் குறிப்பிட்டுள்ளார்.
காசாவில்
பாலஸ்தீனியர்கள் கொல்லப்படுவதை நிறுத்துமாறு டிரம்பை நேரடியாக வலியுறுத்தவதே மேல் என்றும், வெகுஜன போராட்டங்கள் மங்கிவிடும் என்றும் மார்ஷல்
கூறினார்.
அத்தகைய
கூட்டத்திற்கு ஏற்பாடு செய்ய பாஸ் அரசாங்கத்தை வலியுறுத்த வேண்டும். இந்த
விஷயத்தில் அரசாங்கமும் எதிர்க்கட்சியும் ஒற்றுமையாகப் பேச முடிந்தால், வாஷிங்டனுக்கும் சர்வதேச சமூகத்திற்கும் இடையிலான
மலேசியாவின் செய்தி மிகவும் வலுவாக இருக்கும் என்று அவர் சுட்டிக்காட்டினார்.
இந்த சந்திப்பு
நடந்தால், அது பாஸ் கட்சியை
மலேசியாவின் மிகப்பெரிய அரசியல் சக்தியாக உயர்த்துவது மட்டுமல்லாமல், உலக அரங்கில் ஒரு கொள்கை ரீதியான தார்மீகக்
குரலாக மலேசியா நிற்க முடியும் என்பதையும் நிரூபிக்கும் என அவர் கூறினார்
மலேசியாவில்
டிரம்ப் இருப்பது ரோர் அரிய சந்தர்ப்பம். எனவே இந்த விவகாரத்தில் பாஸ்
கட்சி உறுதியாக செயல்பட வேண்டும் என்று அவர் ஓர் அறிக்கையில் கூறினார்.
முன்னதாக, ஆசியான் உச்சிமாநாட்டிற்கு டிரம்பை அழைத்ததற்கான
மலேசியாவின் நியாயத்தை பாஸ் தலைவர் அப்துல் ஹாடி அவாங் கேள்வி எழுப்பியிருந்தார் என்பது
குறிப்பிடத்தக்கது!
Leave a Reply
Your email address will not be published. Required fields are marked *
தேடல்
செய்தி வகை
