• Shan Siva
• 06 Jun, 2025

கோலாலம்பூர், ஜூன் 6: அம்னோ முன்னாள் இளைஞர் பிரிவுத் தலைவர் கைரி ஜமாலுதீன் மீண்டும் பதவிக்கு வருவது குறித்து ஊகங்கள் அதிகரித்து வருகின்றன. அரசியல் பார்வையாளர்கள் அவரது மறுபிரவேசம் கட்சியின் தற்போதைய போக்கை மீண்டும் உயிர்ப்பிக்குமா அல்லது சீர்குலைக்குமா என்பது குறித்து இருவேறு கருத்துகளை முன்வைத்துள்ளனர்.

சிலர் இது அம்னோவின் பிம்பத்தையும் கவர்ச்சியையும் நவீனப்படுத்த உதவும் என்று நம்புகிறார்கள். மற்றவர்கள் உள் எதிர்ப்பு மற்றும் கட்சி உறுப்பினர்களிடையே நீடித்த அவநம்பிக்கை குறித்து எச்சரிக்கின்றனர்.

இந்த வதந்திகளை, கட்சி உணர்வைச் சோதிக்கவும், அடிமட்ட மக்களின் பதிலை மதிப்பிடவும், தனது ஆதரவாளர்களால் தொடங்கப்பட்ட ஒரு நடவடிக்கை என்று நுசாந்தாரா பல்கலைக்கழகத்தின் அரசியல் ஆய்வாளர் பேராசிரியர் டாக்டர் அஸ்மி ஹசான் கருத்து தெரிவித்துள்ளார்.

பல அடிமட்ட உறுப்பினர்கள் கைரி மற்றும் கட்சித் தலைமையின் மீதான கடந்த கால விமர்சனங்களுக்காக கட்சியை விட்டு வெளியேறிய அல்லது கட்சியிலிருந்து இடைநீக்கம் செய்யப்பட்ட மற்றவர்களை விசுவாசமற்றவர்களாக இன்னும் கருதுவதாக அஸ்மி கூறினார்.

கைரி இன்னும் பிரபலமான நபராகவே இருக்கிறார், குறிப்பாக நகர்ப்புற மற்றும் இளைய வாக்காளர்களிடையே என்று தெரிவித்த அஸ்மி, ஆனால் அந்த புகழ் அம்னோவிற்கும் அதன் கூட்டணிக் கூட்டாளியான பாரிசான் நேஷனலுக்கும் (பிஎன்) தேர்தல் வெற்றியாக மாறுமா? என்பது கேள்விக்குறிதான் என்று விவரித்தார்.

Bekas Ketua Pemuda UMNO, Khairy Jamaluddin dijangka kembali ke arena politik. Penganalisis berbelah bahagi sama ada kemunculannya semula mampu menyegarkan UMNO atau mencetus konflik dalaman, memandangkan masih wujud ketidakpercayaan dalam kalangan ahli parti terhadapnya.