• Shan Siva
• 04 Apr, 2025

கோலாலம்பூர், ஏப்ரல் 4: பிரதமர் டத்தோஸ்ரீ அன்வார் இப்ராகிம் இன்று புத்ராஜெயாவில் உள்ள அவரது அலுவலகத்தில் பொருளாதார விவகாரங்களுக்கான இந்தோனேசிய ஒருங்கிணைப்பு அமைச்சர் ஏர்லங்கா ஹார்டார்டோவை சந்தித்தார்..

மலேசியா மற்றும் இந்தோனேசியா இடையேயான இருதரப்பு ஒத்துழைப்பை மேம்படுத்துவது குறித்து விவாதிக்க இந்த சந்திப்பு நடைபெற்றதாக அன்வார் ஒரு பேஸ்புக் பதிவில் தெரிவித்தார்.

இரு நாடுகளுக்கும் இடையிலான நெருங்கிய நட்பை தாங்கள் முழுமையாகப் பயன்படுத்திக் கொள்கிறோம் என்றும்,  குறிப்பாக பல்வேறு தொடர்புடைய துறைகளில் இந்தோனேசிய மற்றும் மலேசிய தொழில்முனைவோரை உள்ளடக்கிய அதிக வர்த்தக நடவடிக்கைகளை வலுப்படுத்துவதில் கவனம் செலுத்துவதாகவும் அவர் குறிப்பிட்டுள்ளார்.

எதிர்காலத்தில் இந்தோனேசியா மற்றும் மலேசியா இடையே வலுவான ஒத்துழைப்பை இன்னும் சிறந்த நிலைக்கு வளர்ப்பதற்கான உறுதிப்பாட்டை பிரதிபலிக்கும் வகையில், பொருளாதார சினெர்ஜிகளை வலுப்படுத்துவதற்கும் புதுப்பிப்பதற்கும் முன்னுரிமை அளிக்கப்படுவதாக அவர் கூறினார்.

இந்த ஆண்டு ஆசியான் தலைவராக, இந்த பிராந்தியத்திலும் உலக அளவிலும் முதலீடு, சுற்றுலா மற்றும் வர்த்தக தலமாக நாட்டின் திறன்களை அதிகரிக்க இந்தோனேசியா உட்பட அனைத்து அண்டை நாடுகளின் ஒத்துழைப்பு மலேசியாவுக்குத் தேவை என்றும் அன்வார் கூறினார்.

முதலீடு, வர்த்தகம் மற்றும் தொழில்துறை அமைச்சர் தெங்கு டத்தோஸ்ரீ ஜஃப்ருல் அப்துல் அஜீஸ் இந்த விவாதத்தில் கலந்து கொண்டார்.

இதற்கிடையில், பிராந்திய பொருளாதாரத்தை வலுப்படுத்துவதற்கான உத்திகள் குறித்தும் இச்சந்திப்பில் விவாதிக்கப்பட்டதாக தெங்கு சஃப்ருல் தனது பேஸ்புக் பதிவில் தெரிவித்தார்.

உலகப் பொருளாதாரம் கொந்தளிப்பில் இருக்கும் நேரத்தில், ஆசியானின் குரல் சத்தமாக ஒலிக்க வேண்டும் என்றும் அவர் கூறினார்!

Perdana Menteri Anwar Ibrahim bertemu Menteri Penyelaras Ekonomi Indonesia, Airlangga Hartarto, membincangkan pengukuhan kerjasama dua hala. Fokus diberi kepada pelaburan, perdagangan, dan sinergi ekonomi. Malaysia perlukan sokongan serantau, termasuk Indonesia, untuk menjadi hab pelaburan dan pelancongan. ASEAN perlu bersuara lantang dalam ketidaktentuan ekonomi global.