புக்கிட் கியாராவில் தெரசா கோக் கார் கண்ணாடி உடைப்பு
- Surendran Sumdraraj
- 23 Feb, 2026
கோலாலம்பூர், பிப். 23-
செபுத்தே தொகுதி நாடாளுமன்ற உறுப்பினர் திரேசா கோக், புக்கிட் கியாரா பூங்காவில் கார் கண்ணாடி உடைக்கப்பட்ட சம்பவத்தில் சுமார் 2,000 ரொக்கத் தொகையையும் தனிப்பட்ட பொருட்களையும் இழந்துள்ளார்.
Taman Persekutuan Bukit Kiara பகுதியில் நேற்று மாலை 6.15 மணியளவில் கடும் மழை நின்ற பின்னர் அவர் ஜாக்கிங் செய்துக்கொண்டிருந்தபோது இந்த சம்பவம் நிகழ்ந்ததாக கூறப்படுகிறது. மாலை 7 மணியளவில் காருக்குத் திரும்பியபோது, முன்பக்க பயணி இருக்கை பக்க ஜன்னல் உடைக்கப்பட்டிருந்ததை அவர் கவனித்தார்.
கால்வழிப் பகுதியில் வைக்கப்பட்டிருந்த கைப்பை காணாமல் போயிருந்தது. அதில் சுமார் 2,000 ரொக்கத் தொகையும் அங் பாவ் பணமும் இருந்ததாக அவர் தெரிவித்தார். மேலும், அடையாள அட்டை, பல்வேறு கிரெடிட் கார்டுகள் மற்றும் முக்கிய ஆவணங்களும் திருடப்பட்டுள்ளன.
இந்த சம்பவம் குறித்து போலீசில் புகார் அளிக்கப்பட்டுள்ளதாகவும், பொதுமக்கள் வாகனங்களில் மதிப்புள்ள பொருட்களை வைக்காமல் எச்சரிக்கையுடன் இருக்க வேண்டும் என்றும் அவர் வலியுறுத்தினார்.
Leave a Reply
Your email address will not be published. Required fields are marked *
தேடல்
செய்தி வகை
