லிம் குவான் எங் மீது வழக்கு தொடர போதிய ஆதாரம் இல்லை என ஆரம்ப விசாரணையில் தகவல்
- Surendran Sumdraraj
- 14 May, 2026
பினாங்கு, மே 14-
பினாங்கு கடலடித் துறைமுக சுரங்கப்பாதை மற்றும் முக்கிய சாலை திட்ட ஊழல் வழக்கில், முன்னாள் முதல்வர் Lim Guan Eng மீது குற்றம் சாட்டுவதற்கு ஆரம்பகட்டத்தில் போதுமான ஆதாரங்கள் இல்லை என்று அமர்வு நீதிமன்றத்தில் இன்று தெரிவிக்கப்பட்டது.
இந்த வழக்கில் விசாரணை அதிகாரியாக செயல்பட்ட மலேசிய ஊழல் தடுப்பு ஆணையத்தின் (SPRM) மூத்த அதிகாரி Zulhilmi Ramli, பாதுகாப்பு தரப்பு வழக்கறிஞர் Haijan Omar மேற்கொண்ட குறுக்கு விசாரணையின் போது இதனைக் கூறினார்.
34 வயதான ஜுல்ஹில்மி, 2020ஆம் ஆண்டு ஜனவரி மாத தொடக்கத்தில் இந்த விவகாரத்தை அறிந்ததாகவும், அப்போது பினாங்கு சுரங்கப்பாதை திட்ட ஊழலை விசாரிக்கும் சிறப்பு பணிக்குழுவில் உறுப்பினராக இருந்ததாகவும் தெரிவித்தார்.
அந்த காலகட்டத்தில், பினாங்கில் மேற்கொள்ளப்பட்ட சுரங்கப்பாதை மற்றும் முக்கிய சாலை திட்டங்கள் தொடர்பாக பல விசாரணை ஆவணங்கள் திறக்கப்பட்டிருந்ததாகவும், அவற்றை நான்கு விசாரணை அதிகாரிகள் கையாண்டதாகவும் அவர் கூறினார்.
மேலும், 2020ஆம் ஆண்டு ஜூன் மாதம் லிம் குவான் எங் தொடர்பான விசாரணைக் குழுவில் தாம் நியமிக்கப்பட்டதாகவும், அப்போது அவர் பினாங்கு முதலமைச்சராக இருந்ததாகவும் சாட்சியமளித்தார்.
இந்த வழக்கில் ஜுல்ஹில்மி 38ஆவது அரசு தரப்பு சாட்சியாக நீதிமன்றத்தில் ஆஜரானார்.
பினாங்கு கடலடித் துறைமுக சுரங்கப்பாதை திட்டம் தொடர்பான ஊழல் குற்றச்சாட்டுகள் மலேசிய அரசியலில் பெரும் சர்ச்சையை ஏற்படுத்தியிருந்த நிலையில், இந்த நீதிமன்ற சாட்சியம் தற்போது புதிய கவனத்தை ஈர்த்துள்ளது.
Leave a Reply
Your email address will not be published. Required fields are marked *
தேடல்
செய்தி வகை
