JDT & கூச்சிங் FC இறுதிப்போட்டி! LRT சிறப்பு ரயில் சேவை
- Shan Siva
- 22 May, 2026
கோலாலம்பூர், மே 22: நாளை சனிக்கிழமை ஜோகூர் தாருல் தாசிம் மற்றும் கூச்சிங் சிட்டி எஃப்சி அணிகளுக்கு இடையே நடைபெறும் மலேசிய கோப்பை இறுதிப் போட்டியைக் காண வரும் பார்வையாளர்களுக்கு வசதியாக, புக்கிட் ஜாலில் இலகுரக ரயில் நிலையத்தின் இயக்க நேரம் ஞாயிற்றுக்கிழமை நள்ளிரவு 12.30 மணி வரை நீட்டிக்கப்படும் என்று தெரிவிக்கப்பட்டுள்ளது
புக்கிட் ஜாலில் தேசிய மைதானத்தில் போட்டி முடிந்த பிறகு பயணிகளின் போக்குவரத்தை எளிதாக்குவதற்காக, அம்பாங்/ஸ்ரீ பெட்டாலிங் மற்றும் புத்ராஜயா ஆகிய இரு வழித்தடங்களின் இயக்க நேரமும் நீட்டிக்கப்படும் என்று ரேபிட் ரெயில் நிறுவனம் தெரிவித்துள்ளது.
அம்பாங்/ஸ்ரீ பெட்டாலிங் வழித்தடத்திலிருந்து புத்ராஜயா வழித்தடத்திற்கு மாறும் பயணிகளுக்காக சுங்கை பீசி நிலையம் மட்டுமே திறந்திருக்கும்.
மற்ற நிலையங்கள் வழக்கம் போல் மூடப்பட்டிருக்கும், ஆனால் பயணிகள் தங்கள் பயணத்தைத் தொடர அந்த வழித்தடங்களில் உள்ள எந்த நிலையத்திலும் இறங்கலாம் என்று அந்நிறுவனம் கூறியதாக பெர்னாமா செய்தி வெளியிட்டுள்ளது.
மேலும், பார்வையாளர்கள் தங்கள் பயணங்களை முன்கூட்டியே திட்டமிடுமாறும், அம்பாங்/ஸ்ரீ பெட்டாலிங் மற்றும் புத்ராஜயா வழித்தடங்களில் உள்ள தேர்ந்தெடுக்கப்பட்ட நிலையங்களில் உள்ள 'பார்க் அண்ட் ரைடு' வசதிகளைப் பயன்படுத்துமாறும் ரேபிட் ரெயில் அறிவுறுத்தியுள்ளது.
நெரிசலைத் தவிர்க்க, பயணிகள் டச் ‘என் கோ (Touch ‘n Go) அட்டைகள் மற்றும் பிற கட்டண முறைகளைப் பயன்படுத்தவும், மேலும் தங்களின் திரும்பும் பயணத்திற்கான டோக்கன்களை முன்கூட்டியே வாங்கவும் அது வலியுறுத்தியது.
நீட்டிக்கப்பட்ட செயல்பாட்டுக் காலம் முழுவதும் பயணிகளுக்கு உதவுவதற்காக, ரேபிட் கேஎல் (Rapid KL) முக்கிய இடங்களில் கூடுதல் பணியாளர்களைப் பணியமர்த்தும் என்று தெரிவிக்கப்பட்டுள்ளது!
Leave a Reply
Your email address will not be published. Required fields are marked *
தேடல்
செய்தி வகை
