எம்ஏசிசி, அசாம் பாக்கி உட்பட 4 பிரதிவாதிகள் அதிகார துஷ்பிரயோகம் செய்ததாக துன் டாய்ம் குடும்ப வழக்கறிஞர் வாதம்!
- Muthu Kumar
- 09 Oct, 2025
கோலாலம்பூர், அக். 9-
மறைந்த துன் டாய்ம் ஜைனுடினின் குடும்பத்தினர் தங்கள் கணக்குகளை பறிமுதல் செய்து முடக்கியதை எதிர்த்து நீதித்துறை மறுஆய்வைத் தொடங்க அனுமதி கோரிய மனு மீது நவம்பர் 5 ஆம் தேதி உயர் நீதிமன்றம் முடிவு செய்யும்.
மறைந்த டாய்மின் குடும்பத்தினரைப் பிரதிநிதித்துவப்படுத்தும் வழக்கறிஞர் டத்தோ டாக்டர் குர்தியல் சிங் நிஜார், சட்டத்துறை தலைவர் சார்பாக மூத்த கூட்டாட்சி வழக்கறிஞர் நூர் ஹாஃபிசா அசிசான் ஆகியோரின் சமர்ப்பிப்புகளைக் கேட்ட பிறகு நீதிபதி டத்தோ அலிசா சுலைமான் தேதியை நிர்ணயித்தார்.
முன்னதாக தனது வாதங்களில், மலேசிய ஊழல் தடுப்பு ஆணையம் ஐந்து பிரதிவாதிகள் தங்கள் அதிகாரங்களை துஷ்பிரயோகம் செய்ததற்கான தெளிவான அறிகுறிகள் இருப்பதாக விண்ணப்பதாரர் முதல் பார்வையிலேயே நிரூபித்துள்ளதாக குர்டியல் கூறினார்.
எம்ஏசிசியை தவிர மற்ற பிரதிவாதிகள் எம்ஏசிசியின் பணமோசடி, சொத்து பறிமுதல் பிரிவின் இலக்கு வைக்கப்பட்ட துறை செயல்பாடுகளின் உதவி கண்காணிப்பாளர் ஹாரிஸ் ஃபாடிலா சுகைமே. எம்ஏசிசியின் பணமோசடி தடுப்பு பிரிவின் இயக்குநர் டத்தோ முஹம்மது ஜம்ரி ஜைனுல் அபிடின்.
எம்ஏசிசி தலைமை ஆணையர் டான் ஸ்ரீ அசாம் பாக்கி, பிரதமர் டத்தோஸ்ரீ அன்வார் இப்ராஹிம்,மலேசிய அரசாங்கம் ஆகும்.
பல்வேறு விதிகளைப் பயன்படுத்தி விண்ணப்பதாரரின் வங்கிக் கணக்குகளை முடக்கி பறிமுதல் செய்யும் காலத்தை காலவரையின்றி நீட்டிப்பதன் மூலம் அதிகார துஷ்பிரயோகம் செய்யப்பட்டதாகக் கூறப்படும் குற்றச்சாட்டை குர்தியல் கூறினார்.இது ஒரு குற்றத்தின் விசாரணையில் அவர்களுக்கு வழங்கப்பட்ட அதிகாரங்களை மீறுகிறது என்று அவர் நீதிமன்றத்தில் தெரிவித்தார்.
Leave a Reply
Your email address will not be published. Required fields are marked *
தேடல்
செய்தி வகை
