• Shan Siva
• 02 Jun, 2024

வடக்கு-தெற்கு விரைவுச்சாலையில் (பிளஸ்) உள்ள தஞ்சோங் மாலிம் ஓய்வு நிறுத்தத்தில் நேற்று இரவு காவல்துறையினருடன் நடந்த துப்பாக்கிச் சூட்டில் இருவர் கொல்லப்பட்டனர்.

சந்தேக நபர்கள் தங்களைப் பின்தொடர்வதை உணர்ந்தபோது, ​​அவர்கள் தப்பி ஓட முயன்றதோடு,  வடக்கு-தெற்கு விரைவுச்சாலையில் வடக்கு நோக்கிச் சென்றதாக சிலாங்கூர் காவல்துறைத் தலைவர் டத்தோ ஹுசேன் ஒமார் கான் கூறினார்.

சந்தேக நபர்களை தஞ்சோங் மாலிம் ஓய்வறையை அடையும் வரை காவல்துறையினர் பின்தொடர்ந்து வாகனத்தை வெற்றிகரமாக நிறுத்தியதாக அவர் கூறினார்.

சம்பவத்தின் போது, ​​சந்தேக நபர்கள் போலிஸாரை நோக்கி பல முறை சுட்டனர்.  நிலைமை சரியாகும் வரை போலீசார் துப்பாக்கிச் சூடு நடத்தினர் என்று அவர் மேலும் கூறினார்.

பின்னர் வாகனத்தை சோதனையிட்டதில், வாகனத்தில் இருந்த சந்தேகநபர்கள் இருவரும் இறந்து கிடந்தது தெரியவந்தது.

சந்தேக நபர்களில் ஒருவருக்கு 23 குற்றப் பதிவுகள் இருப்பதாகவும், மற்றவர் இன்னும் அடையாளம் காணப்பட்டு வருவதாகவும் ஹுசைன் கூறினார்.  மேலும் 6 சந்தேக நபர்களை தேடி வருவதாகவும் அவர் தெரிவித்தார்.

கொலை முயற்சிக்கான தண்டனைச் சட்டம் பிரிவு 307 மற்றும் துப்பாக்கிகள்சட்டம் 1971 இன் பிரிவு 8 இன் கீழ் சட்டவிரோதமாக துப்பாக்கிகளை வைத்திருந்ததற்காக வழக்கு விசாரிக்கப்படுகிறது.

இச்சம்பவம் பற்றிய தகவல் தெரிந்த பொதுமக்கள் அருகில் உள்ள காவல் நிலையத்திற்கு வருமாறு அல்லது உலு சிலாங்கூர் காவல்துறை தலைமையகத்தை 03-60641223 என்ற எண்ணில் தொடர்பு கொள்ளுமாறு ஹுசைன் கேட்டுக் கொண்டார்!