ஸே பெய்-இஸ்ஸுடின் உலகின் முதல் இடத்தை இழந்தனர்!
- Muthu Kumar
- 19 Jul, 2025
பெட்டாலிங் ஜெயா. ஜூலை 19-
மலேசியாவின் முன்னணி ஆண்கள் இரட்டையர் கூட்டணியான கோ ஸே பெய், நூர் இஸ்ஸுடின் ரம்ஸானி, எட்டு வாரங்களுக்கு முன்பு பேட்மிண்டன் உலகக் கூட்டமைப்பின் உலக தரவரிசையில் முதல் இடத்தைப் பிடித்த பின்னர், அந்த இடத்தை இழந்துள்ளனர்.
ஸே பெய்-இஸ்ஸுடின், இந்த ஆண்டு மே மாதம் 27ஆம் தேதி டென்மார்க்கின் கிம் ஆஸ்ட்ரப்-ஆண்டர்ஸ் ஸ்காரப் ராஸ்முஸ்ஸனை பின்னுக்குத் தள்ளி முதல் இடத்தைப் பிடித்தனர். இது 2016ஆம் ஆண்டு கோ வி ஷெம்-டான் வீ கியோங் கூட்டணிக்குப் பிறகு மலேசிய ஆண்கள் இரட்டையர் முதல் இடத்தை அடைந்த முதல் சாதனையாகும். இவர்கள் இந்திய ஓபன். ஜப்பான் ஓபன், சீனா ஓபன், ஆர்க்டிக் ஓபன் ஆகியவற்றில் வெற்றிகளைப் பெற்று, 2024ஆம் ஆண்டு மிகச் சிறப்பாக விளையாடினர்.
ஆனால், சிங்கப்பூர் ஓபனில் காலிறுதியில் இந்தியாவின் சத்விக்ஸ்ராஜ் ராங்கிரெட்டி-சிராக் ஷெட்டி கூட்டணியிடம் 21-17, 21-15 என்ற கணக்கில் தோல்வியடைந்ததால், அவர்களின் முதல் இடம் பறிபோனது.
இந்தத் தோல்வி, அவர்களின் புள்ளிகளைப் பாதித்து, தற்போது டென்மார்க் கூட்டணி மீண்டும் முதல் இடத்தைப் பிடித்துள்ளது. ஸே பெய்-இஸ்ஸுடின் தற்போது இரண்டாம் இடத்திற்குத் தள்ளப்பட்டுள்ளனர்.
இந்த இழப்பு அவர்களின் உறுதியைப் பாதிக்கவில்லை என்று அவர்களின் பயிற்சியாளர் டியோ கோக் சியாங் தெரிவித்தார். எங்கள் கவனம் இன்னும் விளையாட்டில் உள்ளது. தரவரிசை ஓர் எண்ணிக்கை மட்டுமே என்று இஸ்ஸுடின் கூறினார்.
Leave a Reply
Your email address will not be published. Required fields are marked *
தேடல்
செய்தி வகை
