KLIA-வில் 100% தலைமுதல் கால் வரை சோதனை!
- Shan Siva
- 06 Oct, 2026
கோலாலம்பூர், அக் 6: அதிக ஆபத்துள்ள இடங்களுக்குச் செல்லும் பயணிகளுக்கு, கோலாலம்பூர் சர்வதேச விமான நிலையத்தில் (KLIA) இலக்கு வைக்கப்பட்ட மற்றும் ஆபத்து-சார்ந்த பரிசோதனை முறையை அரசாங்கம் அமல்படுத்தியுள்ளதாக மக்களவையில் (Dewan Rakyat) தெரிவிக்கப்பட்டது.
இந்த
நடவடிக்கைகளில் பயணிகளின் உடைமைகளை 100 சதவீதம் சோதிப்பதும், உடல் ரீதியான சோதனைகளை (physical
pat-downs) மேற்கொள்வதும்
அடங்கும் என்று உள்துறை அமைச்சர் டத்தோ ஸ்ரீ சைஃபுதீன் நசுத்தியோன் இஸ்மாயில்
கூறினார்.
KLIA மற்றும் நாட்டின் பிற சர்வதேச நுழைவுப் புள்ளிகளில்
பாதுகாப்பு நடவடிக்கைகள், பரிசோதனை மற்றும் ஆபத்து மேலாண்மை ஆகியவற்றை
வலுப்படுத்துவதற்கான 17 பரிந்துரைகளில் இந்த மேம்படுத்தப்பட்ட பரிசோதனை முறையும்
ஒன்றாகும் என்று அவர் குறிப்பிட்டார்.
இந்த நடவடிக்கைகள்
மூன்று கட்டங்களாக அமல்படுத்தப்பட்டு வருவதாகவும், ஆகஸ்ட் மாதம் தொடங்கி முதல் ஆறு
மாதங்களுக்குக் குறுகிய கால நடவடிக்கைகளில் தற்போது கவனம் செலுத்தப்படுவதாகவும்
அவர் கூறினார்.
தற்போது,
KLIA-விலிருந்து
புறப்படும் விமானங்களுக்கு, பயணிகளைத் தலை முதல் கால் வரை உடல் ரீதியாகச் சோதிப்பதோடு, அவர்களின் உடைமைகளையும் 100 சதவீதம் பரிசோதிப்பதாக அவர் கூறினார்.
இந்தோனேசியா
மற்றும் பிற இடங்கள் உட்பட, அடிக்கடி கடத்தல் சம்பவங்கள் நடைபெறும் இடங்கள் 'அதிக ஆபத்துள்ளவை' என வகைப்படுத்தப்பட்டுள்ளதாக சைஃபுதீன்
தெரிவித்தார்!
Leave a Reply
Your email address will not be published. Required fields are marked *
தேடல்
செய்தி வகை
