பெனம்பாங்கில் வெள்ளம்: 41 குடும்பங்களைச் சேர்ந்த 118 பேர் நிவாரண முகாம்களுக்கு மாற்றம்
.jpeg)
- Surendran Sumdraraj
- 02 Oct, 2026
கோலாலம்பூர், அக் 2:
இரவு முழுவதும் பெய்த பலத்த மழையால் ஏற்பட்ட வெள்ளம் காரணமாக, கோத்தகினபாலு பெனம்பாங்கில் உள்ள 41 குடும்பங்களைச் சேர்ந்த 118 வெள்ளத்தால் பாதிக்கப்பட்டவர்கள் இன்று காலை நான்கு நிவாரண முகாம்களுக்கு வெளியேற்றப்பட்டு பாதுகாப்பாக அழைத்துச் செல்லப்பட்டனர்.
களத்தில் உள்ள முகமைகளிடமிருந்து பெறப்பட்ட தகவல்கள் மற்றும் அறிக்கைகளின் அடிப்படையில், பெனம்பாங் மாவட்ட பேரிடர் மேலாண்மைக் குழுவின் தலைவரான நோயெமி டியெனா ஜான் ட்ரென், நேற்று இரவு 10.40 மணிக்கு இந்த வெள்ளத்தை அதிகாரப்பூர்வமாக ஒரு பேரிடராக அறிவித்தார்.
சபா மாநில பேரிடர் மேலாண்மைக் குழு இன்று வெளியிட்ட அறிக்கையில், பெனம்பாங் விளையாட்டு வளாக நிவாரண முகாமில் 7 குடும்பங்களைச் சேர்ந்த 40 பேரும், ஹுகுவான் சியோ (Huguan Siou) மண்டப முகாமில் 11 குடும்பங்களைச் சேர்ந்த 31 பேரும் தங்க வைக்கப்பட்டுள்ளதாகத் தெரிவித்துள்ளது.
பெனம்பாங் பாரிஷ் மண்டபத்தில் 16 குடும்பங்களைச் சேர்ந்த 29 பேரும், செயின்ட் பால் கொலோபிஸில் (St Paul Kolopis) 7 குடும்பங்களைச் சேர்ந்த 18 பேரும் தஞ்சம் புகுந்துள்ளனர்.
மோயோக் ஆற்றின் (Sungai Moyog) நீர்மட்டம் தற்போது அபாய அளவைத் தாண்டி, 9.12 மீட்டர் என்ற கவலைக்குரிய நிலையில் உள்ளது என்று அக்குழு கூறியது.
இந்த வெள்ளத்தால் 15 கிராமங்கள் பாதிக்கப்பட்டுள்ளன; மேலும் 12 சாலைகள் நீரில் மூழ்கியிருந்தாலும், அவற்றின் வழியாகப் போக்குவரத்து மேற்கொள்ளக்கூடிய நிலையில் உள்ளன!
Leave a Reply
Your email address will not be published. Required fields are marked *
தேடல்
செய்தி வகை
