• Shan Siva
• 30 Sep, 2024

கோத்தா கினபாலு, செப் 30: தாவாவ் மாவட்டத்தில் உள்ள பண்ணையில் 12 வயது சிறுமியை பாலியல் பலாத்காரம் செய்ததாக 12 முதல் 14 வயதுடைய மூன்று சிறுவர்கள் கைது செய்யப்பட்டுள்ளனர்.

கடந்த வியாழன் (செப்டம்பர் 26) இரவு 9 மணியளவில் இந்த குற்றம் நடந்திருக்கலாம் என நம்பப்படுவதாக தவாவ் மாவட்ட காவல்துறை தலைவர் Supp Champin Piuh தெரிவித்தார்.

கடந்த வெள்ளிக்கிழமை (செப்டம்பர் 27) மாலை 4.56 மணிக்கு சிறுமியின் தாயார் சம்பவம் பற்றி அறிந்து,  புகார் அளித்ததாக அவர் கூறினார்.

அதே நாளில் மாலை 5.40 மணிக்கு மூன்று சிறுவர்களும் அழைத்துச் செல்லப்பட்டனர் என்று அவர் ஓர் அறிக்கையில் கூறினார்.

அவர்களில் யாரும் பள்ளிக்குச் செல்லவில்லை என்று அவர் கூறினார்.

ரிமாண்ட் உத்தரவு பெறப்பட்டுள்ளதோடு, சிறுவர்கள் அக்டோபர் 2 வரை காவலில் வைக்கப்படுவார்கள் என்று அவர் தெரிவித்தார்!