RM 3,500 தொடக்க சம்பளம்! நீண்ட வரிசையில் நேர்காணலுக்குக் குவிந்த இளைஞர்கள்! மலாக்கா முதல்வர் அதிர்ச்சி
- Shan Siva
- 15 Jun, 2026
கோலாலம்பூர், ஜூன் 15: பத்து பெரெண்டாமில் உள்ள ஒரு மின்னணு தொழிற்சாலை அறிவித்திருந்த
RM3,500 தொடக்கச்
சம்பளத்தால் ஈர்க்கப்பட்டு, நேற்று மலாக்காவின்
ஒரு வீதியில் இளைஞர்கள் நீண்ட வரிசையில் காத்திருந்தனர்.
விண்ணப்பதாரர்களில்
சிலர் மாநிலத்திற்கு வெளியிலிருந்து பயணம் செய்து வந்திருக்கலாம் என்று
நம்பப்படுவதாக மலாக்கா நிர்வாக கவுன்சிலர் ங்வே ஹீ செம் கூறினார்.
அதிக
எண்ணிக்கையிலான விண்ணப்பதாரர்கள் மலாக்காவில் நிலவும் அதிக வேலையின்மையைப்
பிரதிபலிக்கிறார்கள் என்ற கூற்றுகளை அவர் நிராகரித்தார். மேலும்
மாநிலத்தின் வேலையின்மை விகிதம் சுமார் 2% ஆக உள்ளது என்றும் கூறினார்.
உற்பத்தி
இயக்குநர்கள் மற்றும் தொழில்நுட்ப வல்லுநர்களுக்கான 300 முதல் 500 வரையிலான காலிப்
பணியிடங்களை நிரப்புவதற்காக நேர்காணல்கள் நடத்தப்பட்டதாக நிறுவனம் தெரிவித்துள்ளது.
நேற்று சமூக ஊடகங்களில் பரவலாகப் பகிரப்பட்ட, விண்ணப்பதாரர்களின் பெருங்கூட்டம் குறித்த
செய்தி, மலாக்கா மேயர் ஷாதன் ஒஸ்மானின்
கவனத்தை ஈர்த்தது. விண்ணப்பதாரர்களின் பாதுகாப்பு மற்றும் வசதி குறித்து புகார்கள்
வந்ததையடுத்து அவர் அந்த ஹோட்டலுக்குச் சென்று பார்வையிட்டார்.
அவர்
நிறுவனத்தின் நிர்வாகத்திடம் விளக்கம் கோரியதோடு, விண்ணப்பதாரர்களின் வசதி மற்றும் பாதுகாப்பை உறுதி செய்ய
நடவடிக்கை எடுக்குமாறும் வலியுறுத்தினார்.
மலாக்கா முதலமைச்சர் அப்துக்
ரவுஃப் யூசோவும், வரிசையில்
காத்திருந்த விண்ணப்பதாரர்களுக்கு உணவு மற்றும் பானங்கள் விநியோகிக்க தனது
அலுவலகம் மூலம் ஏற்பாடு செய்தார்!
Leave a Reply
Your email address will not be published. Required fields are marked *
தேடல்
செய்தி வகை
