• Shan Siva
• 16 Jul, 2024

புத்ராஜெயா: புத்ராஜெயா, புத்ராஜெயா, ப்ரிசின் 9ல் உள்ள 16வது மாடியில் உள்ள அடுக்குமாடி குடியிருப்பில் இருந்து நான்கு வயது சிறுமி இன்று காலை தவறி விழுந்து உயிரிழந்தார். இன்று காலை 7.50 மணியளவில் இந்த சம்பவம் குறித்து அழைப்பு வந்ததாக புத்ராஜெயா மாவட்ட காவல்துறைத் தலைவர் A. Asmadi Abd Aziz உறுதிப்படுத்தினார்.

மழலையர் பள்ளி ஆசிரியையான அவரது தாயார் வேலைக்குச் சென்றிருந்த நிலையில், தனது மூத்த  மகளை அருகிலுள்ள பள்ளிக்கு அனுப்புவதற்காக தந்தை வெளியே சென்ற பின்னர், சிறுமி வீட்டில் தனியாக இருந்தபோது இந்தச் சம்பவம் நடந்ததாக முதல்கட்ட விசாரணையில் கண்டறியப்பட்டுள்ளது. இந்நிலையில்  உடல் பிரேத பரிசோதனைக்காக புத்ராஜெயா மருத்துவமனையின் தடயவியல் பிரிவுக்கு கொண்டு செல்லப்பட்டது.