ஈப்போ முதியோர் இல்லத்தில் காயங்களுடன் இறந்துகிடந்த 54 வயது நபர்!
- Shan Siva
- 05 Aug, 2026
ஈப்போ, ஆக5: ஈப்போ, தஞ்சோங் ரம்புத்தானில் உள்ள ஒரு முதியோர் இல்லத்தில், 54 வயதான ஆண் ஒருவர் நேற்று பலத்த காயங்களுடன் இறந்து கிடந்தார்.
மதியம் சுமார் 2 மணியளவில் தஞ்சோங் ரம்புத்தான் சுகாதார மையத்திலிருந்து இந்த மரணம் குறித்த தகவல் கிடைத்ததாக பேராக் காவல்துறைத் தலைவர் டத்தோ முகமது அல்வி ஜைனல் அபிடின் கூறினார்.
சம்பவ இடத்திற்கு ஒரு குழு அனுப்பப்பட்டதாக அவர் தெரிவித்தார்.
இந்த வழக்கு, தண்டனைச் சட்டத்தின் 302-வது பிரிவின் கீழ் கொலை வழக்காக வகைப்படுத்தப்பட்டுள்ளது.
உண்மையான மரணக் காரணத்தைக் கண்டறிய இன்று பிரேதப் பரிசோதனை நடத்தப்படும் என்று அவர் இன்று வெளியிட்ட அறிக்கையில் தெரிவித்தார்.
விசாரணைக்கு உதவுவதற்காக, ஒரு பராமரிப்பாளர் மற்றும் முதியோர் இல்லத்தின் நான்கு குடியிருப்பாளர்கள் உட்பட ஐந்து பேர் காவலில் வைக்கப்பட்டுள்ளதாக ஆணையர் முகமது அல்வி கூறினார்.
மேலும், இந்த வழக்கு குறித்து ஊகிக்கவோ அல்லது சரிபார்க்கப்படாத தகவல்களைப் பரப்பவோ வேண்டாம் என்றும், ஏனெனில் அது விசாரணைகளில் தலையிடக்கூடும் என்றும் அவர் பொதுமக்களை வலியுறுத்தினார்!
Leave a Reply
Your email address will not be published. Required fields are marked *
தேடல்
செய்தி வகை
