70 % வேட்பாளர் 50 வயதுக்கு உட்பட்டவர்களே! - ரஃபிஸியின் பெர்சாமா அறிவிப்பு
- Shan Siva
- 14 Jun, 2026
கோலாலம்பூர், ஜூன் 15: வரவிருக்கும் ஜொகூர்
மற்றும் நெகிரி செம்பிலான் தேர்தல்களுக்கான வேட்பாளர்கள் உட்பட, தனது தேர்தல் வேட்பாளர்களில் 70 விழுக்காட்டினர் 50 வயதுக்குட்பட்டவர்களாக இருக்க வேண்டும் என பெர்சாமா மலேசியக் கட்சி தெரிவித்துள்ளது.
தங்களால் முடிந்தவரை அதிக பெண் வேட்பாளர்களை முன்னிறுத்த
அனைத்தையும் செய்வோம் என்று பெர்சாமா
தலைவர் ரஃபிஸி ரம்லி கூறினார்.
மலாய், சீன மற்றும் இந்திய சமூகங்களிலிருந்து திறமையான
பெண் வேட்பாளர்கள் தங்களுடன் இணைய வேண்டும் என்று நேற்று
இரவு நெகிரி செம்பிலானில் அவர் தெரிவித்தார்.
பாலினம் அல்லது
இனம் பாராமல் அனைவருக்கும் வேட்பாளராகும் வாய்ப்பு உள்ளது என்று கூறிய ரஃபிஸி,
கட்சியின் இட ஒதுக்கீட்டு முறைகள் குறித்து
கட்சி உறுப்பினர்கள் கேள்வி எழுப்ப வேண்டாம் என வலியுறுத்தினார்.
தகுதியான
வேட்பாளர்கள் பொருத்தமான தொகுதிகளில் இணைக்கப்படுவார்கள். சில தொகுதிகள் மலாய்
வேட்பாளர்களுக்கு மிகவும் பொருத்தமானவை, மற்றவை சீன அல்லது இந்திய
வேட்பாளர்களுக்கு ஏற்றவை. இதற்கான செயல்முறை மிகவும் சிக்கலானது என்று கூறினார்.
50 மற்றும் அதற்கு
மேற்பட்ட வயதுடைய வேட்பாளர்களுக்கு இன்னும் 30% ஒதுக்கீடு உள்ளது. இது ஒரு கணிசமான
எண்ணிக்கையாகும், குறிப்பாக பெர்சாமா அனைத்துத் தொகுதிகளிலும்
போட்டியிட்டால் என்று அவர்
கூறினார்.
மற்ற கட்சிகளுடன்
பெர்சாமாவுக்குத் தொடர்பு இல்லாதது, கட்சி விரும்பும் அளவுக்குத் தொகுதிகளில் போட்டியிடுவதற்கான நெகிழ்வுத்தன்மையை
வழங்குகிறது என்று ரஃபிஸி கூறினார்.
மூன்று
வாரங்களுக்கு முன்பு தொடங்கப்பட்ட பெர்சாமா, சுமார் 25,000 பேரை ஈர்த்துள்ளது. அவர்களில் யாரும் மலேசிய அரசியலில் பெரிய
பெயர்கள் இல்லை என்று ரஃபிஸி கூறினார். கட்சி தொடங்கப்பட்டபோது யாரும்
பெர்சாமாவில் சேர விரும்புவார்கள் என்று அவர் எதிர்பார்க்காததால், இதை ஒரு
"நல்ல சாதனை" என்று அவர் விவரித்தார்.
இந்தக் கட்சி
மற்ற எல்லா கட்சிகளுக்கும் எதிராகப் போட்டியிடுவதாலும், இதில் பெரிய பெயர்கள் யாரும் இல்லாததாலும், கிரேஸியான நபர்கள் மட்டுமே சேர்வார்கள் என்று நான் நினைத்தேன் என்று அவர் கூறினார். மேலும், கட்சி தனது ஆரம்ப வளர்ச்சி வேகத்தைத்
தக்கவைத்து, 50,000 உறுப்பினர்கள்
என்ற அளவை எட்டும் என்று அவர் நம்பிக்கை தெரிவித்தார்!
Leave a Reply
Your email address will not be published. Required fields are marked *
தேடல்
செய்தி வகை
