டிரம்ப் மகன் தலைக்கு 1 கோடி டாலர் பரிசு? ஈரான் அரசு தொலைக்காட்சி வீடியோவால் பரபரப்பு
- Surendran Sumdraraj
- 26 Aug, 2026
வாஷிங்டன்: அமெரிக்க ஜனாதிபதி டொனால்டு டிரம்பின் 20 வயது மகன் பாரன் டிரம்பை குறிவைத்து ஈரான் அரசு தொலைக்காட்சியில் ஒளிபரப்பப்பட்டதாகக் கூறப்படும் வீடியோ பெரும் பரபரப்பை ஏற்படுத்தியுள்ளது.
ஈரான் புரட்சிகர காவல் படையுடன் தொடர்புடைய ஊடகம் தயாரித்ததாகக் கூறப்படும் அந்த வீடியோவில், பாரன் டிரம்பின் நடமாட்டங்கள் கண்காணிக்கப்பட்டு வருவதாகத் தெரிவிக்கப்பட்டுள்ளது. மேலும், அவரை கொலை செய்பவர்களுக்கு 1 கோடி அமெரிக்க டாலர் பரிசு வழங்கப்படும் என கூறப்பட்டதாக தகவல்கள் தெரிவிக்கின்றன. இருப்பினும், இந்த பரிசுத் தொகை குறித்த தகவல் சுயாதீனமாக உறுதிப்படுத்தப்படவில்லை.
வீடியோவில் பாரன் டிரம்ப் படிக்கும் பல்கலைக்கழகம், அவரது பாதுகாப்பு வாகனங்கள் மற்றும் அமெரிக்க ரகசிய சேவை அதிகாரிகள் தொடர்பான காட்சிகளும் இடம்பெற்றதாக கூறப்படுகிறது.
இந்த வீடியோ தங்களது கவனத்திற்கு வந்துள்ளதாக அமெரிக்க ரகசிய சேவை உறுதிப்படுத்தியுள்ளது. பாதுகாப்பில் உள்ள நபர்களுக்கு எதிரான அச்சுறுத்தலாக கருதப்படும் அனைத்து தகவல்களையும் விசாரிப்பதாகவும், பாதுகாப்பு காரணங்களுக்காக மேலதிக விவரங்களை வெளியிட முடியாது என்றும் அந்த அமைப்பு தெரிவித்துள்ளது.
Leave a Reply
Your email address will not be published. Required fields are marked *
தேடல்
செய்தி வகை
