ஆசியான் சாதனையில் இடம்பெற்ற மகாதீர் - ஹஸ்மா தம்பதியர்!
- Shan Siva
- 12 Aug, 2026
கோலாலம்பூர், ஆக 12: முன்னாள் பிரதமர் டாக்டர் மகாதீர் முகமது மற்றும் அவரது மனைவி டாக்டர் ஹஸ்மா அலி தம்பதியர், ஆசியான் சாதனை எனும் அங்கீகாரத்தைப் பெற்றுள்ளனர்.
நேற்று பெர்டானா
தலைமைத்துவ அறக்கட்டளையில் நடைபெற்ற ஒரு விழாவில், ஆசியான் ரெக்கார்ட்ஸ் அமைப்பானது, மகாதீரை ஆசியான் பிராந்தியத்தின் வாழும் மிக வயதான முன்னாள்
பிரதமராகவும், ஹஸ்மாவை ஒரு
முன்னாள் பிரதமரின் வாழும் மிக வயதான துணைவியாராகவும் அங்கீகரித்தது.
இன்று மகாதீரின்
முகநூல் பக்கத்தில் வெளியிடப்பட்ட ஒரு பதிவின்படி, ஆசியா ரெக்கார்ட்ஸ் அமைப்பானது, நூறு வயதை எட்டிய முதல் முன்னாள் அரசாங்கத் தலைவர் மற்றும்
அவரது துணைவியார் என்ற பெருமையையும் அவர்களுக்கு கூட்டாக வழங்கியுள்ளது..
ஆசியான்
பிராந்தியம் மற்றும் முக்கிய ஆசிய சந்தைகள் முழுவதும் இதற்கு இணையான சாதனை எதுவும்
பகிரங்கமாக ஆவணப்படுத்தப்படவில்லை என்பதை நடுவர் குழுவின் சரிபார்ப்பு
உறுதிப்படுத்தியது என்று அந்தப்
பதிவில் குறிப்பிடப்பட்டிருந்தது.
இந்த சாதனைகளை ஆசியான் சாதனைகள் ஆலோசனைக் குழுவின் தலைவர் டேனி ஓயி வழங்கினார்; அவருடன் தலைமை நடுவர்களான கில்லியன் ஓயி மற்றும் எல்ட்ரிக் கோ ஆகியோரும் உடன் வந்திருந்தனர்!
Leave a Reply
Your email address will not be published. Required fields are marked *
தேடல்
செய்தி வகை
