மலாய்க்காரர்கள் - சீனர்கள் - இந்தியர்கள் நமது பெருமை! - உள்துறை அமைச்சர் சைஃபுடின்
- Shan Siva
- 07 Jun, 2026
பத்து பஹாட், ஜூன் 7: ஜொகூர் மாநிலத் தேர்தலுக்கான பக்காத்தான் ஹரப்பான் கூட்டணியின் உறுப்புக் கட்சிகளிடையே தொகுதிப் பங்கீட்டுப் பேச்சுவார்த்தைகள் இறுதி செய்யப்பட்டுள்ளதாக பக்காத்தான் ஹராப்பான் பொதுச்செயலாளர் சைஃபுதீன் நசுத்தியோன் இஸ்மாயில் தெரிவித்தார்.
அமானா, பிகேஆர் மற்றும் டிஏபி கட்சிகளின் தலைவர்கள் பங்கேற்ற பேச்சுவார்த்தைகளைத் தொடர்ந்து, இந்த செயல்முறை நேற்று வெற்றிகரமாக முடிவடைந்ததாக அவர் கூறினார். அவர்களின் முயற்சிகளுக்காக அமானா தலைவர் முகமது சாபு, டிஏபி பொதுச்செயலாளர் அந்தோணி லோக் ஆகியோருக்கு அவர் நன்றி தெரிவித்தார்.
பிகேஆர் கட்சியின் உதவித் தலைவரான சைஃபுதீன், தொகுதிப் பங்கீடு தொடர்பான பல இறுதி விவரங்கள், அமினோல்ஹுடா ஹசன் தலைமையிலான ஜொகூர் பக்காத்தன் ஹராப்பான் தலைமையிடம் ஒப்படைக்கப்படும் என்று கூறினார்.
பக்காத்தான் ஹராப்பான் தேர்தல் அமைப்பின் தொடக்க விழாவில் பேசும்போது அவர் இந்தக் கருத்துக்களைத் தெரிவித்தார். இந்த விழாவில் பக்காத்தான் ஹராப்பான் தலைவர் அன்வார் இப்ராஹிமும் கலந்துகொண்டார்.
தொகுதிப் பேச்சுவார்த்தைகள் முடிவடைந்த நிலையில், ஜொகூரில் பக்காத்தான் ஹராப்பான் வெற்றியை உறுதி செய்வதற்காக, களப்பணி, தளவாட ஒருங்கிணைப்பு மற்றும் வாக்காளர்களுக்கு சரியான செய்திகளை வழங்குதல் உள்ளிட்ட தேர்தல் இயந்திரத் தயாரிப்புகளில் பக்காத்தான் ஹராப்பான் இப்போது கவனம் செலுத்தும் என்று அவர் கூறினார்.
அரசியல் ஆதரவைப் பெறுவதற்காக அடையாள மற்றும் இன அரசியலைத் தொடர்ந்து பயன்படுத்தி வருவதாகக் கூறிய சில கட்சிகளை சைஃபுதீன் விமர்சித்தார்.
என் நண்பர்களே, மலாய்க்காரர்கள், சீனர்கள் மற்றும் இந்தியர்கள் நமது பெருமை. நாம் மலாய்க்காரராகவோ, சீனராகவோ அல்லது இந்தியராகவோ பிறக்க வேண்டும் என்று கேட்கவில்லை, இல்லை. அது இயற்கையின் ஒரு பகுதி. அதனால்தான் பக்காத்தான் ஹராப்பானின் அணுகுமுறை 'நாம் அவர்களுக்கு எதிரானவர்கள்' என்பதல்ல. நமது அரசியல் அணுகுமுறை 'நாம் அனைவரும் ஒன்றுபட்டவர்கள்' என்பதுதான்" என்று அவர் கூறினார்.
ஜொகூரில் உள்ள 56 மாநில சட்டமன்றத் தொகுதிகளிலும் போட்டியிடப் போவதாக பக்காத்தான் ஹராப்பான் அறிவித்துள்ளது!
Leave a Reply
Your email address will not be published. Required fields are marked *
தேடல்
செய்தி வகை
