அமெரிக்காவை அபாரமாக வீழ்த்தி காலிறுதிக்கு முன்னேறிய பெல்ஜியம்

Surendran Sumdraraj
07 Jul, 2026

சியாட்டில், ஜூலை 7 –

2026 உலகக் கோப்பை கால்பந்து தொடரின் 16-ஆவது சுற்றில், பெல்ஜியம் அணி இணை ஏற்பாட்டாளரான அமெரிக்காவை 4-1 என்ற கோல் கணக்கில் வீழ்த்தி காலிறுதிக்கு முன்னேறியது.

சியாட்டில் நகரில் நடைபெற்ற இந்தப் போட்டியில், ஆட்டத்தின் 9-ஆவது நிமிடத்தில் சார்லஸ் டி கெட்டலாரே முதல் கோலை அடித்து பெல்ஜியத்திற்கு முன்னிலை பெற்றுத் தந்தார்.

எனினும், 31-ஆவது நிமிடத்தில் மாலிக் டில்மேன் கோல் அடித்து அமெரிக்காவுக்குச் சமநிலையை ஏற்படுத்தினார்.

அதைத்தொடர்ந்து, 33-ஆவது நிமிடத்தில் மீண்டும் கோல் அடித்த டி கெட்டலாரே, பெல்ஜியத்தை 2-1 என்ற கணக்கில் மீண்டும் முன்னிலைக்குக் கொண்டு சென்றார்.

இரண்டாவது பாதியில், 57-ஆவது நிமிடத்தில் ஹான்ஸ் வனாகன் மூன்றாவது கோலைப் பதிவு செய்தார். ஆட்டத்தின் கூடுதல் நேரமான 90+3-ஆவது நிமிடத்தில் ரொமேலு லுகாகு இறுதி கோலை அடித்து பெல்ஜியத்தின் 4-1 என்ற அபார வெற்றியை உறுதி செய்தார்.

இந்த வெற்றியின் மூலம் பெல்ஜியம் உலகக் கோப்பை காலிறுதிக்குத் தகுதி பெற்றுள்ளது. மறுபுறம், சொந்த ரசிகர்கள் முன்னிலையில் விளையாடிய அமெரிக்கா தோல்வியடைந்து தொடரிலிருந்து வெளியேறியது.

Your email address will not be published. Required fields are marked *

முக்கிய செய்தி