• Shan Siva
• 31 Oct, 2024

பெட்டாலிங் ஜெயா: 1எம்டிபி ஊழல் தொடர்பாக முன்னாள் பிரதமர் நஜிப் ரசாக் மன்னிப்புக் கேட்டதற்கு டிஏபி பொதுச்செயலாளர் அந்தோணி லோக் நிராகரித்ததை அம்னோ இளைஞர் பிரிவின் முன்னாள் தலைவர் கைரி ஜமாலுடின் விமர்சித்தார்.

யாராவது சிறையில் இருந்து மன்னிப்பு கேட்கும் போது, ​​'நீங்கள் ஒரு குற்றவாளி, இது பொருத்தமற்றது' என்று கூறினால்... இதை விட மோசமான  தருணத்தை நினைத்துப் பார்க்க முடியாது, என்று கைரி கூறினார்.

மன்னிப்பு 'பொருத்தமற்றது' என்று சொல்வது... அது கடுமையானது. நஜிப் சிறையில் இருக்கிறார், வருத்தம் தெரிவித்துள்ளார். பல விஷயங்களில் நஜிப்புடன் தாம் உடன்படவில்லை என்றாலும்,அவர் மன்னிப்பு கேட்க முயற்சிக்கிறார், அதைக் கொஞ்சம் மதிக்கலாம் என்று கைரி குறிப்பிட்டுள்ளார்.