தனி விமானத்தில் பெட்டி பெட்டியாய் வந்திறங்கிய போதைப்பொருள்கள்! காவல்துறை அதிர்ச்சி
- Shan Siva
- 07 Oct, 2026
கோலாலம்பூர், அக் 7|: அக்டோபர் 1 அன்று லூவாங் பிரபாங் (Luang Prabang) சர்வதேச விமான நிலையத்திற்கு வந்த ஒரு தனியார் ஜெட் விமானத்தில் 521 கிலோ மெத்தாம்பெத்தமைன் (methamphetamine) போதைப்பொருள் கண்டெடுக்கப்பட்டதைத் தொடர்ந்து, லாவோஸில் கைது செய்யப்பட்ட 13 பேரில் ஒரு மலேசியரும் அடங்குவார் என்று தெரிவிக்கப்பட்டுள்ளது.
அந்த 'லியர்ஜெட்' (Learjet) தனியார் விமானம் சுபாங் விமான நிலையத்திலிருந்து லாவோஸிற்குப் புறப்பட்டதாக புக்கிட் அமான் போதைப்பொருள் குற்றப் புலனாய்வுத் துறையின் இயக்குனர் உசேன் உமர் கான் தெரிவித்தார்.
இருப்பினும், அந்த மலேசியர் அந்த விமானத்தில் பயணம் செய்யவில்லை என்று அவர் கூறினார்.
இதுவரை, லாவோஸின் போதைப்பொருள் தடுப்பு அதிகாரிகளிடமிருந்து தங்களுக்கு விரிவான தகவல்கள் கிடைக்கவில்லை. தற்போது உள்ள தகவலின் அடிப்படையில், தடுத்து வைக்கப்பட்டுள்ள 13 பேரில் ஒருவர் மலேசியர் என்று அவர் குறிப்பிட்டார்.
விமானத்தின் விமானி மற்றும் துணை விமானி ஆகியோர் மலேசியர்கள் அல்ல, என்று அவர் கூறினார்.
முன்னதாக, ஒரு போதைப்பொருள் கடத்தல் கும்பல் தனியார் விமானம் மூலம் போதைப்பொருட்களைக் கடத்தத் திட்டமிட்டுள்ளதாக லாவோஸ் போலீசாருக்குத் தகவல் கிடைத்ததாக 'வியன்டியன் டைம்ஸ்' (Vientiane Times) செய்தி வெளியிட்டிருந்தது.
பின்னர் போலீசார் மெத்தாம்பெத்தமைன் இருந்த 21 சூட்கேஸ்களைக் கண்டுபிடித்தனர்; மேலும் விமானி, துணை விமானி, ஒரு வெளிநாட்டு சுற்றுலாப் பயணி, நிறுவனத்தின் மூன்று ஊழியர்கள் மற்றும் லூவாங் பிரபாங் சர்வதேச விமான நிலையத்தின் ஏழு ஊழியர்கள் உட்பட 13 சந்தேக நபர்களைக் கைது செய்தனர்.
தனிப்பட்ட முறையில், மலேசிய எல்லைக் கட்டுப்பாடு மற்றும் பாதுகாப்பு முகமை (AKPS), இந்த விவகாரம் குறித்து, குறிப்பாக சுபாங் விமான நிலையத்தில் மேற்கொள்ளப்பட்ட சோதனைகள் குறித்து உள்விசாரணை நடத்தப்படும் என்று கூறியது.
போதைப்பொருள் தொடர்பான விசாரணை புக்கிட் அமான் பிரிவால் கையாளப்படும் என்று AKPS-இன் தலைமை இயக்குனர் ஷுஹைலி ஜைன் தெரிவித்தார்!
Leave a Reply
Your email address will not be published. Required fields are marked *
தேடல்
செய்தி வகை
