• Shan Siva
• 02 Oct, 2024

சென்னை, அக் 2: மலேசியாவில் இருந்து கடத்தப்பட்ட 4,998 சிவப்பு காதுகள் கொண்ட ஸ்லைடர் ஆமைகளை சென்னை விமான நிலையத்தில் சுங்கத்துறை அதிகாரிகள் பறிமுதல் செய்துள்ளனர்.

கடந்த ஞாயிற்றுக்கிழமை நள்ளிரவில் பிளாஸ்டிக் கூடைகளை எடுத்துச் சென்ற இரண்டு நபர்களை சுங்க அதிகாரிகள் தடுத்து வைத்தபோது இது அம்பலமானது.

சுற்றுலா விசாவில் மலேசியாவுக்கு வந்து சென்ற அந்தப்  பயணிகள், முதலில் தங்கள் கூடைகளில் பொம்மைகள் மற்றும் சாக்லேட்டுகள் இருப்பதாகக் கூறினர்.

இருப்பினும், மேலும் ஆய்வு செய்ததில், கூடைகளுக்குள் 4,998 உயிருள்ள சிவப்பு காதுகள் கொண்ட ஸ்லைடர் ஆமைகள் மற்றும் 19 அல்பினோ சிவப்பு காதுகள் கொண்ட ஸ்லைடர் ஆமைகள் இருப்பதை அதிகாரிகள் கண்டுபிடித்தனர்.

இதைத் தொடர்ந்து, வனவிலங்கு குற்றக் கட்டுப்பாட்டுப் பிரிவு அதிகாரிகள் விமான நிலையத்துக்கு வரவழைக்கப்பட்டனர். பரிசோதனையில், 12 ஆமைகள் இறந்து கிடந்தது தெரியவந்தது.

ஆமைகளை சட்டப்பூர்வமாக இந்தியாவிற்கு கொண்டு வர பயணிகளிடம் தேவையான ஆவணங்கள் இல்லாததால், ஆமைகளை மலேசியாவிற்கு திருப்பி அனுப்ப அதிகாரிகள் முடிவு செய்தனர்!