• Shan Siva
• 27 Sep, 2024

குளுவாங், செப் 27: மக்கோத்தா இடைத்தேர்தலில் பாரிசான் நேஷனல் கட்சியின் வேட்பாளர் பற்றி எதிர்க்கட்சிகள் தனிப்பட்ட தாக்குதல்களில் ஈடுபடவில்லை என்று பெரிகாத்தான் நேஷனல் தேர்தல் இயக்குனர் அஸ்மின் அலி தெரிவித்துள்ளார்.

பாரிசான் வேட்பாளர் சையத் ஹுசைன் சையத் அப்துல்லாவைத் தனிப்பட்ட முறையில் தாக்கவில்லை. நாங்கள் எந்த குற்றச்சாட்டும் கூறவில்லை, தீர்ப்பு வழங்கவும் இல்லை. புகாரின் அடிப்படையில் நடந்த ஒரு விஷயத்தை நாங்கள் முன்னிலைப்படுத்துகிறோம் என்று அவர் கூறினார்.

காயங்களை ஏற்படுத்திய ஒரு சண்டை தொடர்பில் சையத் ஹுசைன் சம்பந்தப்பட்டதாகக் கூறப்படும் போலீஸ் ஆவணங்களைப் பெற்றதாக நேற்று பத்ருல் வெளிப்படுத்தினார். மேலும் இந்த விஷயத்தை தெளிவுபடுத்த சையத் ஹுசைனிடம் வலியுறுத்தியிருந்தார்,

சையத் ஹுசைன் பின்னர் இந்தக் கூற்றை மறுத்தார் மற்றும் பத்ருலுக்கு எதிராக சட்ட நடவடிக்கை எடுப்பதாகக் கூறினார்!