NCAA போட்டியில் புதிய சாதனை; இறுதிப்போட்டிக்குத் தகுதி பெற்ற முகமது அசீம் பஹ்மி
- Surendran Sumdraraj
- 12 Jun, 2026
கோலாலம்பூர், ஜூன் 12 –
மலேசியாவின் முன்னணி வேக ஓட்டக்காரரான முகமது அசீம் பஹ்மி, அமெரிக்காவில் நடைபெற்று வரும் 2026 NCAA தடகள சாம்பியன்ஷிப் போட்டியில் புதிய வரலாற்றைப் படைத்து கவனத்தை ஈர்த்துள்ளார்.
அமெரிக்காவின் ஆபர்ன் பல்கலைக்கழகத்தைப் பிரதிநிதித்துவப்படுத்திய அசீம், கன்யின்சோலா அஜயி, ஆஸ்டின் கிரெஸ்லி மற்றும் டைலர் டேவிஸ் ஆகியோருடன் இணைந்து 4×100 மீட்டர் தொடர் ஓட்டத்தின் அரையிறுதியில் 37.75 விநாடிகளில் இலக்கை எட்டினர்.
இந்த நேரப் பதிவு, இதற்கு முன்பு லூசியானா மாநிலப் பல்கலைக்கழகம் (LSU) 37.90 விநாடிகளில் படைத்திருந்த NCAA சாதனையை முறியடித்து புதிய சாதனையாகப் பதிவாகியுள்ளது.
தொடர் ஓட்டத்தின் முதல் வீரராக களமிறங்கிய அசீம் பஹ்மி, அணிக்கு சிறப்பான தொடக்கத்தை வழங்கி முக்கிய பங்காற்றியதாகப் பாராட்டப்பட்டுள்ளார். அவரது வேகமும் துல்லியமான ஓட்டமும் ஆபர்ன் அணியை இறுதிப்போட்டிக்கான முக்கிய போட்டியாளராக மாற்றியுள்ளது.
இந்த அபாரமான செயல்பாட்டின் மூலம், NCAA பட்டத்தை வெல்லும் வலுவான அணிகளில் ஒன்றாக ஆபர்ன் உருவெடுத்துள்ளது. அதேவேளையில், அமெரிக்கக் கல்லூரி தடகள அரங்கில் பிரகாசித்து வரும் ஆசியாவின் சிறந்த இளம் வேக ஓட்ட வீரர்களில் ஒருவராக முகமது அசீம் பஹ்மி தனது நற்பெயரை மேலும் வலுப்படுத்தியுள்ளார்.
Leave a Reply
Your email address will not be published. Required fields are marked *
தேடல்
செய்தி வகை
