• Muthu Kumar
• 24 Sep, 2024

கோலாலம்பூர், செப். 24-

நேற்று முன்தினம் இரவு நடைபெற்ற 2024/2025 சூப்பர் லீக் போட்டியில் ஜொகூர் டாருல் தக்சிம் அணி (ஜெடிதி) 6 - 1 என்ற கோல் கணக்கில் கிளந்தான் டாருல் நைம் அணியை வீழ்த்தியது.ஆட்டம் தொடங்கிய 42ஆவது நிமிடத்தில், ஜெடிதி அணியின் வீரர் பெர்க்சன் தனது முதல் கோலை அடித்தார். 25ஆவது நிமிடத்தில் அணிக்கான மற்றொரு கோலை அடித்து ஆட்டத்தை 2-0 என்ற கோல் கணக்கில் ஜெடிதிக்கு வசமாக்கினார்.

இரண்டாவது பாதியில், ஆரிஃப் அய்மான் முகமட் ஹனாபி 56ஆவது, 58ஆவது நிமிடங்களில் ஜெடிதியின் மூன்றாவது, நான்காவது கோல்களை அடித்தார்.ஆட்டம் விறுவிறுப்பான சமயத்தில் கிளாந்தான் டாருல் நைம் அணியின் லேத் கொரூப் 65ஆவது நிமிடத்தில் தனது அணிக்கான முதல் கோலை அடித்தார்.

71ஆவது நிமிடத்தில் பெர்க்சன் மீண்டும் ஒரு கோலை ஜெடிதிக்காக அடித்த வேளையில், ஜெடிதியின் ஆறாவது கோலை 75ஆவது நிமிடத்தில் முஹம்மது உமேர் அஸ்னான் அடித்தார். ஜெடிதி அணி தற்போது 10 போட்டிகளுக்குப் பிறகு 28 புள்ளிகளுடன் லீக்கில் முதலிடத்தில் உள்ள நிலையில் ஆறு புள்ளிகள் வித்தியாசத்தில் சிலாங்கூர் எஃப்சி இரண்டாவது இடத்தில் உள்ளது. அதே நேரத்தில் திரெங்கானு எஃப்சி 16 புள்ளிகளுடன் மூன்றாவது இடத்தில் உள்ளது.