• Thina S
• 04 Oct, 2024

சாலை போக்குவரத்து விதிகளை மீறிய ஆடவருக்கு அபராதம் விதித்த காவல் அதிகாரியைத் தகாத வார்த்தைகளால் திட்டிய ஆடவரைக் காவல்துறையினர் கைது செய்தனர். பினாங்கில் உள்ள Thean Teik சாலையில் மாலை 6.45 மணியளவில் விதிகளை மீறிய 25 வயது உள்ளூர் ஆடவருக்கு அபராதம் விதித்த காவல் அதிகாரியைப் பல தகாத வார்த்தைகளால் திட்டிய ஆடவர் 3 நாள்கள் தடுப்புக் காவலில் வைக்கப்பட்டுள்ளதாக TIMUR LAUT மாவட்டக் காவல் ஆணையர் Lee Swee Sake தெரிவித்தார். சம்மந்தப்பட்ட 25 வயது ஆடவரை இரவு 10மணிக்கு Taman Terubong Jaya’வில் உள்ள அவரின் வீட்டில் கைது செய்யப்பட்டதாக அவர் தெரிவித்தார். இது தொடர்பானக் காணொலி சமூகவலைத்தளத்தில் பரவியதை அடுத்து இந்நடவடிக்கை எடுக்கப்பட்டுள்ளதாகவும் சம்மந்தப்பட்ட ஆடவர் தன் மீதானத் தவற்றை உணர்ந்து காவல் அதிகாரியிடம் மன்னிப்புக் கோரியதாகவும் Lee Swee Sake தெரிவித்தார்