ஜப்பானை வீழ்த்தி அடுத்த சுற்றுக்கு முன்னேறிய பிரேசில்

Surendran Sumdraraj
30 Jun, 2026

ஹூஸ்டன், ஜூன் 30 –

2026 உலகக் கோப்பை கால்பந்து தொடரின் 32 அணிகள் சுற்றில், பிரேசில் அணி பின்தங்கிய நிலையிலிருந்து அபாரமாக மீண்டு ஜப்பானை 2-1 என்ற கோல் கணக்கில் வீழ்த்தி, 16-ஆவது சுற்றுக்கான இடத்தை உறுதி செய்தது.

ஹூஸ்டனில் நடைபெற்ற இந்தப் போட்டியில் ஜப்பான் முதலில் அதிரடி காட்டியது. 29-ஆவது நிமிடத்தில் கைஷு சானோ கோல் அடித்து ஜப்பானுக்கு 1-0 என்ற முன்னிலையைப் பெற்றுத் தந்தார்.

முதல் பாதியில் அந்த முன்னிலையைத் தக்கவைத்த ஜப்பானுக்கு, இரண்டாவது பாதியில் பிரேசில் கடும் நெருக்கடி கொடுத்தது. அதன் பலனாக 56-ஆவது நிமிடத்தில் காசெமிரோ சமநிலை கோல் அடித்து பிரேசிலை மீண்டும் ஆட்டத்துக்குள் கொண்டு வந்தார்.

போட்டி கூடுதல் நேரத்துக்கு செல்லும் என எதிர்பார்க்கப்பட்ட நிலையில், கூடுதல் நேரத்தில் கப்ரியல் மார்டினெல்லி அசத்தலான கோல் அடித்து பிரேசிலின் வெற்றியை உறுதி செய்தார்.

இந்த வெற்றியின் மூலம் ஐந்து முறை உலக சாம்பியனான பிரேசில் 2026 உலகக் கோப்பையின் 16-ஆவது சுற்றுக்கு முன்னேறியது. கடைசி நிமிடத்தில் பெற்ற இந்த வெற்றி, பட்டத்தை நோக்கிய பிரேசிலின் பயணத்திற்கு மிகப்பெரிய உற்சாகத்தை அளித்துள்ளது.

Your email address will not be published. Required fields are marked *

முக்கிய செய்தி