உருகுவேவை அதிர்ச்சிக்குள்ளாக்கிய கேப் வெர்டே; 2-2 என சமநிலை
- Surendran Sumdraraj
- 22 Jun, 2026
மியாமி, ஜூன் 22 –
2026 உலகக் கோப்பை கால்பந்து தொடரின் ‘குரூப் எச்’ பிரிவு ஆட்டத்தில் முதல் முறையாக உலகக் கோப்பையில் பங்கேற்றுள்ள கேப் வெர்டே அணி, தென் அமெரிக்க ஜாம்பவான் உருகுவேவுக்குக் கடும் சவால் அளித்து 2-2 என்ற கோல் கணக்கில் சமநிலை கண்டது.
மியாமியில் நடைபெற்ற இந்த விறுவிறுப்பான ஆட்டத்தில், தொடக்கத்திலிருந்தே கேப் வெர்டே வீரர்கள் தன்னம்பிக்கையுடன் விளையாடினர். 21-ஆவது நிமிடத்தில் கெவின் பினா அடித்த கோல் மூலம் கேப் வெர்டே முன்னிலை பெற்றது.
அதன்பிறகு ஆட்டத்தின் வேகம் மேலும் அதிகரித்தது. அனுபவம் மிக்க உருகுவே அணி பதிலடி கொடுத்து கோல்களை அடித்தாலும், கேப் வெர்டே வீரர்கள் பின்வாங்காமல் போராடி மீண்டும் சமநிலையை ஏற்படுத்தினர்.
முன்னதாக தனது முதல் உலகக் கோப்பை ஆட்டத்தில் ஸ்பெயினை கோலின்றி சமநிலைக்குக் கட்டுப்படுத்தியிருந்த கேப் வெர்டே, இந்த முறை உருகுவேவிடமும் ஒரு புள்ளியைப் பறித்து அனைவரின் கவனத்தையும் ஈர்த்துள்ளது.
Leave a Reply
Your email address will not be published. Required fields are marked *
தேடல்
செய்தி வகை
