8 ஆயிரம் ரூபாய் கூப்பன் அறிவிப்பு ஏமாற்று யுக்தி – நடிகை விந்தியா விமர்சனம்
- Surendran Sumdraraj
- 12 Apr, 2026
சேலம், ஏப். 12-
குடும்ப அட்டைதாரர்களுக்கு ரூ.8 ஆயிரம் மதிப்பிலான கூப்பன் வழங்கப்படும் என்ற தேர்தல் வாக்குறுதி ஒரு ஏமாற்று யுக்தி என நடிகை Vindhya கடுமையாக விமர்சித்துள்ளார்.
சேலம் மாவட்டம் எடப்பாடியில் அதிமுக வேட்பாளர்களுக்கு ஆதரவாக நடைபெற்ற தேர்தல் பிரசாரத்தில் பேசிய அவர், திமுக அறிவித்துள்ள பல திட்டங்கள் மக்கள் நலனுக்காக அல்ல, வாக்குகளைப் பெறுவதற்காகவே கொண்டு வரப்படுவதாக குற்றம்சாட்டினார்.
பெண்களுக்கான உரிமைத் தொகை திட்டம் பெண்களின் நலனில் அக்கறை கொண்டு அறிமுகப்படுத்தப்படவில்லை என்றும், அது வாக்குகளை ஈர்க்கும் அரசியல் முயற்சி என்றும் அவர் தெரிவித்தார்.
மேலும், புதுமைப்பெண் திட்டத்தின் கீழ் கல்லூரியில் மூன்று ஆண்டுகள் படிக்கும் மாணவிகளுக்கு மொத்தமாக ரூ.36 ஆயிரம் மட்டுமே வழங்கப்படுவதாகவும், ஆனால் அதிமுக ஆட்சியில் தாலிக்கு தங்கம் திட்டத்தின் மூலம் ஒரு சவரன் தங்கம் வழங்கப்பட்டதாகவும் அவர் கூறினார்.
தற்போது அறிவிக்கப்பட்டுள்ள ரூ.8 ஆயிரம் கூப்பன் மூலம் தரமான வீட்டு உபயோகப் பொருட்கள் எதையும் வாங்க முடியாது என்றும், இது தனியார் நிறுவனங்களின் லாப நோக்கத்திற்காக அறிவிக்கப்பட்ட திட்டமாகவே தெரிகிறது என்றும் விந்தியா குற்றம்சாட்டினார்.
Leave a Reply
Your email address will not be published. Required fields are marked *
தேடல்
செய்தி வகை
