சொந்தக் காலில் போட்டியிடுகிறோம்! - முகைதீன்
- Shan Siva
- 23 Jul, 2026
போர்ட் டிக்சன், ஜூலை 23: பெரிகாத்தான் நேஷனலுக்கான மலாய் ஆதரவுத் தளம், கூட்டணியில் பெர்சாத்து மற்றும் பாஸ் கட்சிகளின் பங்களிப்பால் மட்டுமே சாத்தியமானது என்று பெர்சாத்து தலைவர் டான் ஸ்ரீ முகைதீன் யாசின் தெரிவித்துள்ளார்.
தங்களின் முன்னாள் கூட்டாளியை கடுமையாக சாடிய அந்த முன்னாள் பெரிகாத்தான் தலைவர், கூட்டணி மற்ற கட்சிகளுடன் பேச்சுவார்த்தை நடத்துவதில் தவறில்லை, ஆனால் அது ஜனநாயக முறையில் செய்யப்பட வேண்டும் என்று கூறினார்.
யாராலும் தனியாக ஒரு முடிவை எடுக்க முடியாது. நீங்கள் பேச்சுவார்த்தை நடத்தலாம், ஆனால் அது கூட்டாக செய்யப்பட வேண்டும் என்று சுட்டிக்காட்டினார். இப்போது, நெகிரி செம்பிலான் தேர்தலில் அம்னோவை ஆதரிக்க விரும்புவதாக அவர்கள் கூறுகிறார்கள். இதுபோன்ற எண்ணங்கள் எங்கிருந்து வருகின்றன? என்று நேற்று நடந்த ஒரு நிகழ்வின் போது அவர் கூறினார்.
எப்போதாவது ஒரு எதிர்க்கட்சி இதுபோன்ற அறிக்கைகளை வெளியிட்டிருக்கிறதா? என்று அவர் கேள்வி எழுப்பினார்.
அனைத்துத் துறைகளிலும் மாநிலத்தை மேம்படுத்துவதற்கான திறனும் அனுபவமும் கட்சிக்கு உண்டு என்பதை நிரூபிப்பதற்காகவே, பெர்சாத்து கட்சி தனது சொந்த சின்னத்தின் கீழ் போட்டியிட முடிவு செய்துள்ளதாக முகைதீன் கூறினார். நாங்கள் எங்கள் சொந்தக் காலில் நின்று பெர்சாத்துவாகப் போட்டியிடுவோம் என்று அவர் தெரிவித்தார்!
Leave a Reply
Your email address will not be published. Required fields are marked *
தேடல்
செய்தி வகை
