• Muthu Kumar
• 17 Dec, 2024

(ரவி முனியாண்டி)

செமினி, டிச.17-

சிலாங்கூர் மாநிலத்தில் மிகவும் பிரபலமான தமிழ்ப்பள்ளிகளில் ஒன்றாக விளங்கி வரும் செமினி தோட்டத் தமிழ்ப்பள்ளியின் 25ஆம் ஆண்டு விளையாட்டுப் போட்டி விழா நேற்று முன்தினம் மிகவும் விமரிசையாக நடைபெற்றது.

செமினி தோட்டத் தமிழ்ப்பள்ளியில் தற்போது 420 மாணவர்கள் பயின்று வருகின்றனர்; 30 ஆசிரியர்கள் பணிபுரிகின்றனர்.சிலாங்கூர் மாநில ஆட்சிக் குழு உறுப்பினர் பாப்பா ராயுடு சார்பில் அவரின் சிறப்பு அதிகாரி கண்மணி பெரியண்ணன் மற்றும் மற்றொரு சிறப்பு அதிகாரி தேவனும் முக்கிய பிரமுகர்களாக கலந்து சிறப்பித்தனர்.

பள்ளி தலைமை ஆசிரியர் நெடுஞ்செழியன் தலைமையில் நடைபெற்ற இந்த விளையாட்டுப் போட்டியை காண அதிகமான பெற்றோர்கள் கலந்து கொண்டனர்.காஜாங் மாவட்ட போலீஸ் அதிகாரி ஏஎஸ்பி பிரேம் இந்த விளையாட்டுப் போட்டியை அதிகாரப்பூர்வமாகத் தொடக்கி வைத்தார்.

பெற்றோர் ஆசிரியர் சங்கத்தின் தலைவர் சரண்பாபு, பள்ளி மேலாளர் வாரியத்தின் தலைவர் ஜோன்சன், முன்னாள் பெற்றோர் ஆசிரியர் சங்கத்தின் தலைவர் ஜெயபாலன், கிராமத் தலைவர் நடேசன், தொழிலதிபர் டத்தோஸ்ரீ புவனேஸ்வரன் உட்பட பலரும் இதில் கலந்து சிறப்பித்தனர்.

செமினி தோட்டத் தமிழ்ப்பள்ளிக்கு சிலாங்கூர் மாநில அரசு சார்பில் ஆட்சிக் குழு உறுப்பினர் பாப்பா ராயுடு 60,000 வெள்ளி மானியத்தைப் பெற்றுத் தந்துள்ளார்.இந்த வேளையில் அவருக்கு நான் மனமார்ந்த நன்றியைத் தெரிவித்துக் கொள்கின்றேன் என்று பள்ளித் தலைமை ஆசிரியர் நெடுஞ்செழியன் தமது உரையில் குறிப்பிட்டார்.பெற்றோர் ஆசிரியர் சங்கத்தின் தலைவர் சரண்பாபு தமது உரையில் செமினி தோட்டத் தமிழ்ப்பள்ளி அனைத்து வகையிலும் சிறந்து விளங்குவது மிகவும் பாராட்டுக்குரியது.

செமினி தோட்டத் தமிழ்ப்பள்ளி மாவட்ட, மாநில ரீதியில் பல பதக்கங்களை வென்றிருப்பதால் விளையாட்டுத் துறையில் இன்னும் பல பதக்கங்களை வெல்ல வேண்டும். இந்த விளையாட்டுப் போட்டியைச் சிறப்பான முறையில் நடத்திய தலைமையாசிரியர், ஆசிரியர்கள் மற்றும் பெற்றோர்களுக்கும் தமது மனமார்ந்த நன்றியைத் தெரிவித்துக் கொள்வதாக சரண்பாபு கூறினார்.

இதில் பள்ளி மாணவர்களின் அணிவகுப்புகள் சிறப்பான முறையில் நடைபெற்றது. வெற்றி பெற்ற மாணவர்களுக்குப் பிரிவுக்கேற்ப பரிசுகள் வழங்கப்பட்டன.