• Shan Siva
• 24 Jul, 2024

பெட்டாலிங் ஜெயா, ஜூலை 24: அம்னோவுக்கும் பாஸ் கட்சிக்கும் இடையே ஒரு கூட்டணி அமையும் பட்சத்தில் பெர்சாத்து தான் அதிகம் இழக்க நேரிடும் என்று நுசாந்தரா அகாடமியின் அரசியல் ஆய்வாளர் அஸ்மி ஹசான் தெரிவித்துள்ளார்.

பெரிகாத்தான் நேஷனல் வலிமையானதாகவும் வலுவாகவும் தோற்றமளித்ததற்குக் காரணம் பெர்சாத்து அல்ல, மாறாக PASக்குத்தான் என்று அவர் கூறினார்.

பெர்சாத்து அதன் அரசியல் அபிலாஷைகளை விரிவுபடுத்த PAS தேவை. எனவே யார் அதிகம் இழப்பார்கள் என்பதைப் பொறுத்தவரை, அது பெர்சாத்துவாக இருக்கலாம் என்று அவர் எஃப்எம்டி-க்கு வழங்கிய செய்தியில் தெரிவித்துள்ளார்.

நாடாளுமன்றத்தில் பெரிக்காத்தானின் 68 இடங்களில் 43 இடங்களை PAS பெற்றுள்ளது, அதே நேரத்தில் ஆறு கிளர்ச்சி உறுப்பினர்கள் ஒற்றுமை அரசாங்கத்திற்கு தங்கள் ஆதரவை உறுதியளித்ததை அடுத்து பெர்சாத்து 25 இடங்களை பெற்றுள்ளது. மற்ற 153 இடங்களை ஒற்றுமை அரசாங்கத்தின் கூட்டணி வைத்திருக்கும் அதே வேளையில், எதிர்க்கட்சியில் உள்ள ஒரே ஒரு இடத்தை மூடா பெற்றுள்ளார்.

பெர்சாத்து அதன் வெற்றிக்கு PAS-ஐ பெரிதும் நம்பியிருக்க வேண்டும் என்று அஸ்மி கூறினார்!