• Shan Siva
• 10 Oct, 2024

ஜொகூர் பாரு, அக் 10: 2000 ஆம் ஆண்டு முதல் கடந்த ஆண்டு வரை ஜொகூர் மாநிலம் முழுவதும் பறிமுதல் செய்யப்பட்ட RM 68.88 மில்லியன் மதிப்புள்ள பல்வேறு வகையான போதைப்பொருட்களை ஜொகூர் போலீசார் அப்புறப்படுத்தினர்.

சம்பந்தப்பட்ட இந்த போதைப்பொருள்கள் நீதிமன்ற நடவடிக்கைகளை முடித்துள்ள 6,630 வழக்குகளுடன் தொடர்புடையது என்று மாநில காவல்துறை தலைவர் டத்தோ எம் குமார் கூறினார்.

இந்த வழக்குகள் அனைத்தும் தண்டனை விதிக்கப்பட்டு மேல்முறையீட்டு செயல்முறைக்கு உட்பட்டுள்ளன. இன்று அகற்றப்பட்ட பொருட்கள் சட்ட மற்றும் நீதிமன்ற செயல்முறைகளை முழுமையாக நிறைவு செய்துள்ளன, ”என்று அவர் இன்று மாநில கன்டிஜென்ட் போலீஸ் தலைமையகத்தில் (ஐபிகே) செய்தியாளர் சந்திப்பின் போது விளக்கினார்.

இதற்கிடையில், ஜனவரி 1 முதல் நேற்று வரை, ஜோகூரில் பல்வேறு போதைப்பொருள் குற்றங்களுக்காக மொத்தம் 19,726 நபர்கள் கைது செய்யப்பட்டுள்ளனர். இதன் விளைவாக 5.48 டன் எடையுள்ள RM58.35 மில்லியன் மதிப்புள்ள போதைப்பொருட்கள் பறிமுதல் செய்யப்பட்டுள்ளன!