• Shan Siva
• 03 Oct, 2024

கோலாலம்பூர். அக் 3: புக்கிட் அமான் ஒருமைப்பாடு மற்றும் தரநிலைகள் இணங்குதல் துறையின் சோதனைக்குப் பிறகு கெடாவில் 12 போலீஸார் கைது செய்யப்பட்டுள்ளதாக தேசிய போலீஸ் படைத் தலைவர் டான்ஸ்ரீ ரஸாருதீன் ஹுசைன் தெரிவித்தார்.

மேலும் ஒழுங்குமுறை சிக்கல்கள் மற்றும் கிரிமினல் குற்றங்களுடன் காணப்படும் போலீஸ் படையினர் விவகாரத்தில் போலீசார் "கண்ணை மூடிக்கொண்டிருக்க மாட்டார்கள் என்று அவர் எச்சரித்தார்.

நேற்று  சுங்கை பட்டாணியில் உள்ள ஒரு பொழுதுபோக்கு கடையில் சோதனை நடத்தியதில் 31 பேர் போதைப்பொருள் உட்கொண்டது கண்டறியப்பட்டது. அதில் இரண்டு அதிகாரிகள் உட்பட 12 பேர் போலீஸார் என்பது குறிப்பிடத்தக்கது.

காவல் துறையில் பணியாற்றும் அனைவருக்கும் இது ஓர் எச்சரிக்கை என்றும், சட்டத்திற்கு புறம்பாக எதுவும் செய்ய வேண்டாம் என்றும் அவர் வலியுறுத்தினார்!