பிருத்விராஜ் நடித்த ‘கலிபா’ படப்பிடிப்பு பணி நிறைவு

Surendran Sumdraraj
23 Jun, 2026

கொச்சி, ஜூன் 23 –

மலையாள திரையுலகின் முன்னணி நடிகரான Prithviraj Sukumaran நடிப்பில் உருவாகி வரும் பிரம்மாண்ட ஆக்‌ஷன் திரைப்படமான ‘கலிபா’ படத்தின் முழு படப்பிடிப்பு பணிகளும் நிறைவடைந்துள்ளன. இதனை நடிகர் பிருத்விராஜ் சமூக வலைதளங்கள் மூலம் அதிகாரப்பூர்வமாக அறிவித்துள்ளார்.

இயக்குநர் Vysakh இயக்கும் இந்த திரைப்படம் ஆக்‌ஷன் மற்றும் குற்றப்பின்னணியைக் கொண்ட கதையாக உருவாகியுள்ளது. படத்தை Jinu V. Abraham எழுதியுள்ளார்.

படப்பிடிப்பு நிறைவடைந்ததை முன்னிட்டு வெளியிடப்பட்ட போஸ்டரில், “It’s a Wrap on Khalifa” என்று குறிப்பிடப்பட்டுள்ளதுடன், படம் 2026 ஆகஸ்ட் 20-ஆம் தேதி உலகம் முழுவதும் திரையரங்குகளில் வெளியாகும் என்றும் அறிவிக்கப்பட்டுள்ளது. மேலும், ‘கலிபா’ முதல் பாகமாக (Part 1) வெளியாகவுள்ளதாகவும் தகவல் வெளியாகியுள்ளது.

இந்த திரைப்படம் லண்டன், துபாய், கேரளா உள்ளிட்ட பல்வேறு சர்வதேச இடங்களில் படமாக்கப்பட்டுள்ளது. படத்திற்கு இசையமைப்பாளர் Jakes Bejoy இசையமைத்துள்ளார்.

Your email address will not be published. Required fields are marked *

முக்கிய செய்தி