கேரளா, செப் 15: முன்னாள் பிரதமர் நஜிப் ரசாக்கின் மன்னிப்பு கோரும் மனு மீதான , கூட்டரசுப் பிரதேசங்களுக்கான மன்னிப்பு வாரியத்தின்  அடுத்த கூட்டத்திற்கு ஒத்திவைக்கும் முடிவு, மலேசிய மன்னரின் (Yang di-Pertuan Agong) தனிப்பட்ட அதிகார வரம்பிற்கு உட்பட்டது என்று பிரதமர் அன்வார் இப்ராகிம் கூறினார்.

சட்டம் மற்றும் சட்டத்துறைத் தலைவரின் ஆலோசனையின் அடிப்படையில் தனது கருத்துக்களைத் தெரிவிப்பதே தனது பணி என்று அன்வார் குறிப்பிட்டார்.

இருப்பினும், மன்னிப்பு வாரியக் கூட்டத்தில் இந்த விவகாரம் மன்னரின் தனிப்பட்ட விருப்பம் மற்றும் அதிகார வரம்பிற்கு உட்பட்டது என்பதையும் நாங்கள் அறிவோம் என்று நேற்று இந்தியாவில் தனது பணிமுறைப் பயணத்தை முடித்த பிறகு மலேசிய ஊடகங்களுடனான செய்தியாளர் சந்திப்பில் அவர் கூறினார்.

நிச்சயமாக, மன்னர் அனைத்து காரணிகளையும் பரிசீலிக்க வேண்டும். ஊழல் தொடர்பான பல வழக்குகளை  கையில் எடுத்து, அவற்றை மிக விரைவாகக் கையாண்டு வருகிறோம் என்று குறிப்பிட்டார்,

தாபோங்வ் ஹாஜி (Tabung Haji) மற்றும் ஃபெல்டா (Felda) தொடர்பான விவகாரங்களில் நாம் மிகவும் கண்டிப்புடன் செயல்பட வேண்டும் என்று மன்னரே வலியுறுத்தியுள்ளார். 

வாரியத்தின் உறுப்பினர் ஒருவர் கோரிக்கை விடுத்தாலோ அல்லது விண்ணப்பத்தை எதிர்த்தாலோ ஒழிய இந்த ஒத்திவைப்பு நிகழ்ந்திருக்காது என்று வாதிட்டு, அரசாங்கம் இதற்கான விளக்கத்தை அளிக்க வேண்டும் என்று வலியுறுத்திய PAS பொதுச் செயலாளர் டகியுடின் ஹசானுக்கு (Takiyuddin Hassan) பதிலளிக்குமாறு அன்வார் கேட்டுக்கொள்ளப்பட்டார்.

பிரதமர் துறையின் சட்ட விவகாரப் பிரிவு கடந்த வெள்ளிக்கிழமை அன்று, நஜிப்பின் விண்ணப்பத்தை அடுத்த மன்னிப்பு வாரிய (FTPB) கூட்டத்திற்கு ஒத்திவைக்க மன்னர் ஒப்புதல் அளித்துள்ளதாகத் தெரிவித்தது.

மன்னர் (Agong) தலைமையிலான இந்த வாரியம், நஜிப்பின் இரண்டாவது மன்னிப்பு விண்ணப்பத்தை பரிசீலிக்கும் என்று எதிர்பார்க்கப்பட்டது.

இத்தகைய கருத்துக்களை முன்வைப்பதற்கு முன், மன்னிப்பு வாரியத்தை நிர்வகிக்கும் விதிகளை PAS புரிந்துகொள்ள வேண்டும் என்று அன்வார் கூறினார்.

அம்னோ (Umno) தலைவர்களின் வலுவான கருத்துக்கள் உட்பட நஜிப்பின் வழக்கு தொடர்பான அரசியல் சூழல்கள் தனக்குத் தெரியும் என்றும் அவர் கூறினார்; இருப்பினும், சட்டத்தின் ஆட்சி மற்றும் கூட்டாட்சி அரசியலமைப்பு ஆகியவற்றின் அடிப்படையிலேயே தனது நிலைப்பாடு அமைந்திருப்பதாக அவர் வலியுறுத்தினார்.

மேலும், நஜிப்புக்கு எதிராக முன்பு கடுமையான நிலைப்பாட்டை எடுத்திருந்த பாஸ் கட்சி, இப்போது முன்வைக்கும் விமர்சனங்கள் முரண்பாடானவை என்று கூறி அவற்றை அவர் நிராகரித்தார்.