9 ஆண்டுகளுக்குப் பிறகு பினாங்கு அருங்காட்சியகம் இன்று மீண்டும் திறக்கப்பட்டுள்ளது! ஆகஸ்ட் 31 வரை அனுமதி இலவசம்
- Shan Siva
- 24 Jul, 2026
ஜார்ஜ் டவுன், ஜூலை 24: பினாங்கு ஜார்ஜ் டவுன் ஃபர்குவார் தெருவில் உள்ள பினாங்கு மாநில அருங்காட்சியகம், 18 மில்லியன் ரிங்கிட் செலவில் மேற்கொள்ளப்பட்ட புனரமைப்பு மற்றும் மேம்பாட்டுப் பணிகளுக்காக ஒன்பது ஆண்டுகளுக்கும் மேலாக மூடப்பட்டிருந்த நிலையில், தற்போது மீண்டும் திறக்கப்பட்டுள்ளது.
ஏப்ரல் 2017-ல் மூடப்பட்ட இந்த அருங்காட்சியகம், இன்று முதல் பொதுமக்களுக்காகத் திறக்கப்படுகிறது. ஆகஸ்ட் 31 வரை அனுமதி இலவசம் என்று தெரிவிக்கப்பட்டுள்ளது.
மேம்படுத்தப்பட்ட இந்த அருங்காட்சியகத்தில் தற்போது 15 கண்காட்சி அரங்குகள் உள்ளன. குவா கெப்பாவில் கிடைத்த வரலாற்றுக்கு முந்தைய கண்டுபிடிப்புகள் முதல், சுதந்திரத்திற்கு முன்னும் பின்னும் மாநிலத்தின் வளர்ச்சி வரையிலான பினாங்கின் வரலாறு, கலாச்சாரம் மற்றும் பாரம்பரியத்தை உள்ளடக்கிய சுமார் 1,200 கலைப்பொருட்கள் இங்கு இடம்பெற்றுள்ளன.
இரண்டாம் உலகப் போரின்போது குண்டுவீச்சால் சேதமடைந்த கட்டிடத்தின் பகுதியின் எச்சங்களைக் காட்சிப்படுத்தும் ஒரு பிரிவும் இந்த அருங்காட்சியகத்தில் உள்ளது.
இந்த அருங்காட்சியகம் சனிக்கிழமை முதல் வியாழக்கிழமை வரை, காலை 9 மணி முதல் மாலை 5 மணி வரை திறந்திருக்கும். ஆகஸ்ட் 31-க்குப் பிறகு நுழைவுக் கட்டணம் பின்னர் அறிவிக்கப்படும்!
Leave a Reply
Your email address will not be published. Required fields are marked *
தேடல்
செய்தி வகை
