திருநள்ளாறு கோவிலில் சனிப் பெயர்ச்சி எப்பொழுது!

- Muthu Kumar
- 06 Mar, 2025
ஒவ்வொரு கிரகத்திற்குமான பரிகார ஸ்தலமாக நவகிரக கோவில்கள் கும்பகோணத்தை சுற்றி அமைந்துள்ளன. கிரகங்களின் பெயர்ச்சி மற்றும் ஜாதகத்தில் கிரகங்களின் அமைப்பு சாதகமாக இல்லை என்றால், இந்த கோவில்களில் சென்று பூஜை செய்தாலோ அல்லது அர்ச்சனை செய்தாலோ தோஷங்கள் குறையும்.
சனி பகவானுடைய நவகிரக கோவிலான, சனி தோஷம், சனியின் எதிர்மறையான தாக்கம், சனிப்பெயர்ச்சி சாதகமற்ற நிலையில் இருப்பது உள்ளிட்டவற்றுக்கான பரிகார ஸ்தலமாக இருப்பது திருநள்ளாறு தர்பாரண்யேஸ்வரர் கோவில் ஆகும்.கடந்த இரண்டு ஆண்டுகளாக சனி பகவான், கும்ப ராசியில் சஞ்சரித்து வருகிறார். திருக்கணிதப் பஞ்சாங்கத்தின் படி, 2025ம் ஆண்டில் சனிபெயர்ச்சி நடக்கிறது என்பது குறிப்பிடத்தக்கது
சனி பெயர்ச்சிக்கான பரிகாரம் அல்லது ஜாதகத்தில் சனி தோஷத்திற்கான பரிகாரம் என்று சொன்னாலே பிரதானமான பரிகார கோவிலாக விளங்குவது திருநள்ளாறு தர்பாரண்யேஸ்வரர் கோவில் தான். திருநள்ளாறில் சனி பெயர்ச்சியை முன்னிட்டு, விசேஷமான பூஜைகள், பரிகார பூஜைகள் மற்றும் சாந்தி ஹோமம் உள்ளிட்டவை நடக்கும். வரவிருக்கும் சனிப்பெயர்ச்சியை முன்னிட்டு திருநள்ளாறில் சனி பெயர்ச்சி விழா எப்போது நடக்கிறது என்று பார்க்கலாம்.
சனிப்பெயர்ச்சி 2025 மார்ச் மாதம் 29ஆம் தேதி திருக்கணித பஞ்சாங்கத்தின்படி நடக்கிறது. இந்த சனிப்பெயர்ச்சி காலத்தில் கும்ப ராசியில் சஞ்சரிக்கும் சனி பகவான் அதற்கு அடுத்த ராசியான குரு பகவானின் வீடான மீன ராசிக்கு செல்லவிருக்கிறார். சனிப்பெயர்ச்சிக்கு எப்பொழுதுமே ஒரு சில ராசிகள் பரிகாரம் செய்து கொள்ள வேண்டும். என்று கூறப்படுவதுண்டு. இதன் மூலம் சனி பகவானின் எதிர்மறையான தாக்கம் குறையும்.
திருநள்ளாறில் சனிப்பெயர்ச்சி விழா டிசம்பர் 20, 2023 அன்று நடைபெற்றது. அப்பொழுது சனி பகவான் மகர ராசியில் இருந்து கும்ப ராசிக்கு பெயர்ச்சியானார். இந்த பெயர்ச்சி வாக்கிய பஞ்சாங்கத்தின் அடிப்படையில் கோவில்களில் பின்பற்றக்கூடிய பஞ்சாங்கத்தின் அடிப்படையில் நடைபெற்றது. எப்பொழுதுமே இது போன்ற பெரிய பயிற்சிகளுக்கு வாக்கிய பஞ்சாங்கம் தான் ஆலயங்களில் பின்பற்றப்படும்.
சனி பெயர்ச்சி சில ஆண்டுகளுக்கு ஒரு நடந்தாலும், ஒவ்வொரு முறை பெயர்ச்சியாகும் போதும், கணிசமான தாக்கத்தை ஏற்படுத்துகிறது. எனவே, சனி பெயர்ச்சி எப்போது நடக்கிறது என்பது பற்றிய ஆர்வம், அதிகமாக இருக்கும்.அந்த அடிப்படையில் வாக்கிய பஞ்சாங்கத்தின் படி சனிப்பெயர்ச்சி மார்ச் 6 2026 அன்று தான் நடக்கவிருக்கிறது. இதைத்தான் ஆலயங்களில் பின்பற்றுகிறார்கள் என்பதால், சனிப்பெயர்ச்சி 2025 மார்ச் 29 அன்று திருநள்ளாறில் சனிப்பெயர்ச்சி பரிகார பூஜையோ விழாவோ நடைபெறவில்லை.
திருநள்ளாறில் சனிப்பெயர்ச்சி விழா நடக்கும்பொழுது சில வாரங்களுக்கு முன்பே அதற்குரிய தகவல்கள் பத்திரிக்கை மற்றும் பரிகார பூஜைகள் பற்றிய முழு விவரங்களை திருநள்ளாறு கோவில் நிர்வாகம் வெளியிடும். தற்போது நடக்கவிருக்கும் சனி பெயர்ச்சி திருக்கணித பஞ்சாங்கத்தின்படி நடப்பதால், இந்த சனி பெயர்ச்சிக்கு திருநள்ளாறில் விசேஷ பூஜைகள் அல்லது சனி பெயர்ச்சி விழா எதுவும் நடக்காது என்பது குறிப்பிடத்தக்கது.
இருப்பினும் சனி பெயர்ச்சி 2025 சில ராசிகளுக்கு எதிர்மறையான தாக்கத்தை ஏற்படுத்தும் என்பதால் அவரவர் விருப்பப்படி பரிகாரம் செய்து கொள்ள வேண்டும் என்பவர்கள் திருநள்ளாறு சென்று முறைப்படி பூஜை செய்து வரலாம். 2025 ஏழரை சனி நடக்கும் ராசிகள் மற்றும் அஷ்டம சனி நடக்கும் ராசிகள் ஆகியோர் திருநள்ளாறு சென்று வரலாம்.
Leave a Reply
Your email address will not be published. Required fields are marked *