உலக ஊடகங்கள் கிரீன்லாந்து விவகாரங்கள், ஈரானிய பதற்றம் மற்றும் மின்னிசோட்டா துப்பாக்கிச் சூடு போன்ற செய்திகளில் கவனம் செலுத்திக் கொண்டிருக்கும் வேளையில், எவ்வித ஆரவாரமும் இன்றி உலக நிதிச் சந்தையின் அஸ்திவாரத்தையே உலுக்கும் ஒரு மாற்றம் நிகழ்ந்துள்ளது.

வாஷிங்டனோ அல்லது வால் ஸ்டிரீட்டோ தீர்மானிக்காத இந்த நிதிப் புரட்சி, பிரேசில், ரஷ்யா, இந்தியா, சீனா மற்றும் தென்னாப்பிரிக்கா உள்ளிட்ட BRICS நாடுகளின் கூட்டணியால் அரங்கேற்றப்பட்டுள்ளது.

1944-ல் ஏற்பட்ட பிரெட்டன் வூட்ஸ் (Bretton Woods) ஒப்பந்தத்திற்குப் பிறகு, உலக வர்த்தகத்தின் முடிசூடா மன்னனாக விளங்கிய அமெரிக்க டாலரின் அதிகாரம் இப்போது ஆட்டம் கண்டுள்ளது. 2022-ல் ரஷ்யாவின் சொத்துக்களை மேலைநாடுகள் முடக்கியபோது, "பிற நாட்டு அமைப்பை நம்பியிருந்தால் நம் இறையாண்மைக்கு ஆபத்து" என்பதை உணர்ந்த நாடுகளின் நீண்ட காலத் திட்டமே இந்த 'The Unit'.

இது ஒரு வெறும் காகிதத் திட்டம் அல்ல, எல்லை தாண்டிய வர்த்தகத்திற்காக (Cross-border trade) தற்போது அதிகாரப்பூர்வமாக நடைமுறைக்கு வந்துள்ள ஒரு வலிமையான ஆயுதம்.வெற்று காகிதமாக அச்சிடப்படும் கரன்சிகளுக்கு மாற்றாக, 'The Unit' இரண்டு அசைக்க முடியாத அடிப்படைகளைக் கொண்டுள்ளது:

• 40% தங்கத்தின் பாதுகாப்பு (Gold Backing): BRICS நாடுகளின் பெட்டகங்களில் உள்ள உண்மையான தங்கத்தை அடிப்படையாகக் கொண்டு இது இயங்குவதால், டாலரை விட அதிக நிலைத்தன்மையுடன் (Stability) திகழ்கிறது.

• 60% பிராந்திய கரன்சிகளின் கூடை (Currency Basket): இந்திய ரூபாய், சீன யுவான், ரஷ்ய ரூபிள் போன்ற வளரும் நாடுகளின் கரன்சிகளை உள்ளடக்கியது. இது அந்தந்த நாடுகளின் பொருளாதார வளர்ச்சியின் (Growth Potential) பலத்தைப் பிரதிபலிக்கிறது.

சுமார் 28 டிரில்லியன் டாலர் GDP-யையும், உலக மக்கள் தொகையில் பாதியையும் கொண்டுள்ள BRICS கூட்டமைப்பு, இனி டாலரின் தயவின்றி தங்களுக்குள்ளேயே வர்த்தகம் செய்யத் தொடங்கியுள்ளது. இது "அமெரிக்க டாலர் சர்வாதிகாரத்திற்கு" வைக்கப்பட்ட முற்றுப்புள்ளியாகவே பார்க்கப்படுகிறது.

முதலீட்டாளர்களும், தொழிலதிபர்களும் கவனிக்க வேண்டிய உண்மை ஒன்றுதான், நாம் அறிந்த பழைய நிதி உலகம் மறைந்து கொண்டிருக்கிறது. டாலரின் ஆதிக்க நிழல் விலகி, தங்கம் மற்றும் வளரும் நாடுகளின் பொருளாதார வலிமையால் பிணைக்கப்பட்ட ஒரு புதிய கரன்சி யுகம் பிறந்துள்ளது.

உலகப் பொருளாதாரத்தின் இந்த மாற்றங்கள் முதலீட்டுச் சந்தையில் பெரிய தாக்கத்தை ஏற்படுத்தும் என்பது குறிப்பிடத்தக்கது.