ஜொகூரில் கூட்டணி ஏன்? ஹாடி விளக்கம்
- Shan Siva
- 30 Jul, 2026
சிரம்பான், ஜூலை 30: தேர்தலில் அம்னோ முன்னிலை வகிக்க பெரிகாத்தான் நேஷனல் வேண்டுமென்றே அனுமதித்தது என்றும், இஸ்லாமியக் கட்சியும் அதன் கூட்டணிக் கட்சிகளும் துணைப் பாத்திரத்தை வகித்தன என்றும் பாஸ் தலைவர் அப்துல் ஹாடி அவாங் தெரிவித்துள்ளார்
அரசியல் சூழலை
மதிப்பிட்டு, பக்காத்தான் ஹரப்பான் எதிர்ப்பு வாக்குகளை பாரிசான்
உடன் பிரிப்பதைத் தவிர்க்க பெரிக்காத்தான் நேஷனல் முயன்ற பின்னரே இந்த அணுகுமுறை கையாளப்பட்டது என்று அவர்
கூறினார்.
ஜொகூரில் அம்னோவுக்கு மிகப்பெரிய
பெரும்பான்மை இருந்தபோதிலும் 2022 மாநிலத் தேர்தலில் 56 இடங்களில் 40 இடங்களை வென்றிருந்தாலும், தாம் பக்காத்தான் ஹரப்பான் வேட்பாளர் பட்டியலைப் பார்த்தபோது, அவர்கள் அனைவரும் முக்கியப் பிரமுகர்களாக இருந்தனர்.
ஜொகூர் பக்காத்தானிடம் வீழ்ந்துவிடும்
என்றும், அம்னோ மாநில அரசின் கட்டுப்பாட்டை இழக்கக்கூடும் என்றும்
நாங்கள் கவலைப்பட்டோம்.
எனவே, ஜொகூரைக் காப்பாற்றத் தேவையான நடவடிக்கையை நாங்கள் எடுத்தோம் என்று அவர்
நேற்று இரவு ஒரு நிகழ்வில் கூறினார்.
நெகிரி
செம்பிலான் மாநிலத் தேர்தல் குறித்துக் கருத்துத் தெரிவித்த ஹாடி, அங்குள்ள அரசியல் சூழல் ஜொகூரை விட மிகவும் சவாலானது என்பதை ஒப்புக்கொண்டார்.
நெகிரி
செம்பிலான் சட்டமன்றத்தில் நம்பிக்கை வாக்கெடுப்பின் மூலம் மாநில அரசை
மாற்றுவதற்கான ஒரு வாய்ப்பை முன்பு கண்டதாகவும், ஆனால் இரண்டு பெர்சாத்து
சட்டமன்ற உறுப்பினர்கள் விலகியதால் அந்த முயற்சி தோல்வியடைந்ததாகவும் அவர்
கூறினார்.
ஜொகூரை விட நெகிரி
செம்பிலான் மிகவும் நெருக்கடியான நிலையில் உள்ளது. மாநில சட்டமன்றத்தில் நம்பிக்கை
வாக்கெடுப்பை நடத்த நாங்கள் திட்டமிட்டிருந்தோம். அதில், 14 அம்னோ சட்டமன்ற உறுப்பினர்கள்,
PN-ஐச் சேர்ந்த ஐந்து
பேருடன் (PAS-ஐச் சேர்ந்த மூவர் மற்றும் பெர்சத்துவைச்
சேர்ந்த இருவர்) கைகோர்த்திருந்தால் அரசை மாற்றியிருக்க முடியும்.
துரதிர்ஷ்டவசமாக, அந்த இரண்டு பெர்சத்து சட்டமன்ற உறுப்பினர்களும் விலகிக்கொண்டதால், அது தோல்வியடைந்தது.
ஆகஸ்ட் 1 அன்று வாக்குப்பெட்டியில் PN-க்கு ஆதரவளிக்குமாறு அவர் இளம் வாக்காளர்களை
வலியுறுத்தினார்.
Leave a Reply
Your email address will not be published. Required fields are marked *
தேடல்
செய்தி வகை
